ایمن الظواهري او مختار بلمختار

داعش د ايمن الظواهري او بلمختار وينه هدر اعلان کړه

نن ټکی اسیا (دوشنبه، وږی ۲مه، ۱۳۹۴ل): د ليبيا داعش ډلې د نړېوال جهادي تنظيم مشر ډاکتر ايمن الظواهري او د «الموقعون بالدماء» ډلې مشر مختار بلمختار وينه هدر اعلان کړې ده.

داعشيانو په ليبيا کې پوسترونه خپاره کړي، چې په کې د ظواهري او بلمختار وينه هدر ښوول شوې.

راپورورنه وايي، چې داعشي پوسترونه د دې اعلان لامل دا ښيي، چې دوی دواړو د ليبيا ختيځ «درنه» سيمې څخه د داعش د شړلو مشري کوله. پوسترونه وايي چې ظواهري او بلمختار ليبيا کې دي او د خپلو «مرتدو اربکيو» مشري کوي.

دوی وايي، بلمختار داعش سره جګړه کې ټپي شوی هم دی، چې اوسمهال «درنه» کې درملنې لاندې دی.

راپورونه وايي، چې د داعش د پوسترونو په اړه د «درنه» د مجاهدينو شوری خپله اعلاميه نشر کړې او ويلي يې دي، چې داعش ليبيا ته د بهرنيو يرغلګرو د مداخلې جواز پيدا کوي او کوښښ کوي، چې حقايق واړوي.

اعلاميه زياتوي، چې دوی سره د ليبيا ولس ولاړ دی او صفونو کې يې هيڅ بهرني مجاهدين نه شته، بلکې داعش بيا د مهاجرينو په نوم مستقلې جبهې لري.

د يادونې وړ ده، چې له جهادي ډلو سره د داعش دا لومړۍ شخړه نه ده، بلکې له دې مخکې يې په شام کې ټول مجاهدين اربکيان بللي، چې د همدې فتواو په لړ کې يې درې هفتې وړاندې د فلسطين جهادي ډله «حماس» هم بې لارې وبلله او په مجاهدينو يې چاودنې وکړې. چارپوهان وايي چې په اسلامي ډلو ټپلو کې دا تکفيري مېتود د بغدادي د خلافت له اعلانه وروسته زور ونيو، چې ګټه يې يوازې او يوازې بهرني دښمن ته رسيږي.

avatar
5 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
مولوی دیوبندي
میلمه
مولوی دیوبندي

خواوس معلوم شول چي داعش داسرائیلواستخدام شوي خلګ دي چي په نړي کوم واقعي مجاهدین دي هغه ئي مباح الدمه وګرځول مسلمانان څوک دي داڅه ډول خلګ دي

مولوی دیوبندي
میلمه
مولوی دیوبندي

داسرائیلواستخدام شوي خلګ دي چي په نړي کي کوم واقعي مجاهدین دي هغه ئي مباح الدمه وګرځول مسلمانان نوڅوک دي داڅه ډول خلګ دي

قاري سعيد خوستى
میلمه
قاري سعيد خوستى

ددي فتني په وڑاندي كه پراخه قلمي عسكري نظامي مبارزه ونشي بيا به وخت تير او هر سه به له لاسه وتلي وي

احمد
میلمه
احمد

داخولمرغوندی روښانه ده چه دا داسلام په لباس کی دکفری استخباراتوایجنټاندی دتاریخ په اوږدوکی چه هروخت کفار په مخامخ جنګ کی ناکامه سوی دی نویه داسی چلونه کړی دی خوکاشکی چه دحضرت علی کرم الله وجهه له شها دته رانیولی بیاترنن ورځی چه دی غلامی اوکفر پالی ډلی کوم جنایات تر سره کړی بایدراجمع اوثبت سی ترڅوبیا مسلما نان په خطا نسی

خاکسار فاریابی
میلمه
خاکسار فاریابی

دواعش ځانونه د اسلام وفادار او د هغه د نصرت داعیان بولي حال دا چي دوي په پټه د اسلام سخت دښمنان دې ، هر وخت د اسلام په خلاف د مکر ، فريب او سازشونو په تیارې کي مصروف وې او خپل پټ عداوت او بغض په نوو، نوو طریقو ښکاره کوې ، عام ولس دا فکر کوي چي دوي خپل علم د ټولنې په اصلاح کي کاروي حال دا چي هغه اصلاً د جهل او فساد په خپرولو ځان ستومانه کوې ، د دوي له وجي عام خلک په شک او شهباتو کي مبتلا دې