هرات: د ګازو په زېرمه کې لوی اور لګېدلی

نن ټکی اسیا (سه شنبه، وږي ۳مه، ۱۳۹۴ل): شېبه وړاندې د هرات ښار د ګازو په یوه زېرمه کې اور ولګيد، چې لا يې هم د وژنې لپاره هڅې روانې دي.

د پېښې له ځایه د نن ټکی اسیا سیمه ییز خبريال وايي چې اور له ترکمنستان څخه د راواريدېدونکو ګازو په يوه زېرمه کې لګېدلی دی.

د هرات ښار ختیځ لوري ته دغه د ګازو دغه زېرمې د قمرګلاغ په نوم يادېږي، چې اور د نبي زاده د ګازو له زېرمې پیل او تر دم ګړۍ يې لا هم لمبې د ښار له لرې ځایونو تر سترګو کېږي. تر اوسه دا نه ده معلومه چي اور ولی لګېدلی، خو د اور د لګېدو وروسته پر لپسې زوروري چاودني اوریدل شوي.

د هرات د اور وژنې مسوولين د پېښې ځای ته رسيدلي دي، خو لا يې هم اور قابو کړی نه دی.

په پېښه کې د ځاني تلفاتو وېره نشته، خو د مالي زيان په اړه تر اوسه بشپړ جزييات نه دي تر لاسه شوي.