افغانستان

هند له افغان چارواکو سره د ناستې وخت نه لري

نن ټکی اسیا (شنبه، وږي ۷مه، ۱۳۹۴ل): د هندوستان حکومت هغه غوښتني پرلپسې ردوي چې افغان حکومت یې د دواړو هیوادونو تر منځ د ستراتیژیک تړون په اړه له څه مودي راهیسي کوي.

دواړو هیوادونو په ۲۰۱۱ کې د ستراتیژیک تړون امضا کړی، خو اوس هندوستان دې ته نه تیاریږي چې د افغانستان سره پر دغه موضوع باندي غونډه وکړي.

د هندوستان د رسنیو په قول افغانستان په دې ورستیو کې له هندوستانه پرلپسې غوښتي چې په دې اړه دي د هند حکومت د افغان حکومت سره غونډې جوړې کړي، خو د هند حکومت دغه غوښتني ردوي.

رسنۍ وايي چې د هند حکومت د خپل ناراضيت د ښکاره کولو په موخه قصدا نه غواړي چې د ستراتیژيک تړون په اړه د افغان حکومت سره کښيني، ځکه چې د ولسمشر اشرف غني په مشرۍ نوي حکومت د هندوستان پر ځای پاکستان ته ترجیح ورکړې او هغې خواته یې د هند د ګټو پر ضد میلان زیات شوی.

بل خواته د هندوستان حکومت د دې غوښتنو د ردولو په پلمه ویلي چې د دوی د بهرنیو چارو وزیره سوشما ساوراج له دې کبله د افغانستان د بهرنیو چارو وزیر صلاح الدین رباني سره نه شي کتلای چې د هغې وخت له مخکې څخه د نورو بوختیاو لپاره پلان شوی، اوس لپاره هغه فارغ وخت نه لري.

بل خوا ته د هندوستان مشهورې ورځپاڼې «دي هندو» ویلي چې د دغه هیواد د بهرنیو چارو وزیره به په کابل کې د سیمه يیزو هیوادونو له خوا د افغانستان د اقتصادي مرستو په هغه غونډه کې هم ګډون ونه کړي چې د روان کال د سپتمبر میاشتي پر ۴ او ۵ مه په کابل کې دایریږي، بلکي په دغه غونډه کې چې افغان حکومت ورپورې ډېرې تمې تړلې، یوازي د دې هیواد یو ټیټ رتبه هیئت د ګډون هوډ لري، په داسې حال کې چې د ایران او افغانستان لوړ رتبه هیئتونه به د کابل په غونډه کې ګډون کوي.

باید وویل شي چې د طالبانو د حکومت تر ړنګېدو وورسته هندوستان د افغانستان سره تر اوسه ۲.۳ بلیونه ډالره مرسته کړې او په کابل کې د هندوستان سفیر ښاغلي راکیش سوډ ویلي چې د نوي ولسمشر اشرف غني له خوا د پاکستان پوځ سره نږدې اړیکي دوی د افغان حکومت سره همکاري ته نه تشویقوي.

ټاګونه

ورته لیکنې

ګډون وکړئ
خبرتیا غوښتل د
guest
4 Comments
زړو
نویو ډیرو خوښو شویو
Inline Feedbacks
ټولې تبصرې کتل
مولوی دیوبندي

واوا اشفزغنی نه دفنجاف نه دهندشوی فرخره به سپورشي لیوني ګرزه بیینه

غوربندی

د سیاف قواره او ناشولته جثه هسي هم سک (سردارسنگ) ته ورته ده د مفکر صيب حکومت ته پکار ده چی استاز سیاف وروليژي.

حامد

وايي فكه دادي لا بله سفكه

امین کندهاری

مه شوره وه چی نوریی هم سپک کی

Back to top button
4
0
Would love your thoughts, please comment.x
()
x
Close
Close