موسی کلا

موسی کلا که کربلا

لیکوال او ژورنالیست: حاجی غلام محمد معصومی

لیکوال: حاجي غلام محمد معصومي

لیکوال: حاجي غلام محمد معصومي

۸ – سنبله ۱۳۹۴-

دیوې میاشتي سختي جګړې وروسته تیره اوونۍ (چهارشنبه) مي له مطبوعاتو څخه واوریدل،  چي د هلمند موسی کلا  ولسوالي یوار بیا د دولت له کنټرول وتلې او د طالبانو لاس ته ور غلې ده.

ددې ولسوالۍ سقوط  یوه نوې خبره  نه وه د هلمند  موسی کلا ولسوالي  چی د شمالي هلمند سره اوږده پوله لري  ۳ واری نور هم د ۲۰۰۵ کال راهسي د طالبانو لاس ته ور غلی او دولت یی بیا د نیولو  لپاره  ګڼ شمېر عسکر ور ولیږي او بیرته یی  ونیسي.

هلته د ښې حکومتوالۍ لپاره له سره نوې اداره جوړه سي او ټولي ادارې  یی بیا ور جوړی، بازار یې یومخ وران سوی ، خلګ یی ګډوالۍ ته مجبوره سوی، مکتبونه  یی سوزول سوي، مسجدونه یی شهیدان سوي، چي د ولسوالۍ له نیولو وروسته دولت یی بیا جوړولو ته لستوڼي راپورته کړي.

خلګ  کرار کرار  بیرته خپلو کورنو ته ستانه سي، باغونه او مځکی  بیا ورغول سی،  خو چی خلګ پر کار کیږی بیا جنګ ونښلي.

دا وار  بیا ډیره قربانی  ولس  ورکړه، یو ځل، چي د اوونۍ په پيل کي ولسوالي سقوط سوه خلګ  نارامه او در په در سول اوس چی بیا دولت دا نا ارامه ولسوالی ونیوله، نو بیا بیشمیره  خلګ په کښي قرباني سول.

سړي ته ډیر سوالونه پیدا سي، هغه وخت، چي ملا عبدالسلام حنیفي دموسی کلا ولسوالۍ لپاره ددې ولسوالۍ تر نیولو وروسته نوی ولسوال وګمارل سو او په هغه وخت کي برتانیايي ځواکونه د ناټو ترمشرۍ لاندي هلته د پوره ځواک او زور خاوندان وو، د ملا عبدالسلام حنیفي له خولې څخه رسنیو ته ددې او دځینو نورو ولسوالیو په اړه زیاتي مهمي خبري په واک کي ورکول سوې .

د حنیفي په قول، همدا برتانویان دي، چي عام هلمندیان وژني، جګړه یې توده ساتلې  ده، استخباراتي جګړې ته وده ورکوي، له هلمنديانو سره د مور او میري چلند کوي، د شمالي هلمند ټولي ولسوالۍ د همدې خوا څخه مهارېدلې او په نتجه کي يې د ولسوال په خبره دهلمند ولایت ټوله جګړه په موسی کلا ولسوالۍ کي د تاریاکو د کرکیلي د ډېرښت لپاره جګړه روانه کړې ده.

دا جنګ ولی د هلمند څخه نه را وزی، شمالی هلمند (سنګین موسی کلا، کجکی، واشیر، باغران او  ګرمسیرهغه سیمي دی چی ۴۵۳ برتانوی سرتیرو پکښي خپل سر خوړلی اوپه  برتانیان کی یی برتانویان لا ددې سیمو له نامه سره بلد دي.

دا مهال، چي د یادي ولسوالۍ د تصفیې په نامه کومه جګړه روانه ده، دسره صلب په وینا ۵۰۰ تنو زیات شمیره مرګ ژوبله  یی د موسی کلا څخه را ټولي کړي دي.
که د هلمند جنګ ته و ګورو او هلته بیا د فاریاب او سری پل ولایتونه د جنرال دوستم عملیات او پښتانه په کښی نا ارامه د پلیخمری ډنډی غوری  جنګ د ننګر هار او نورستان د داعش جنګ او اوس بیاد زابل  ولایت کی چی ویل کیږی د طالبانو  تر منځ   اختلافات  زیات سوی دی  نود سړی  سر خلاصیږی چی دا جنګ  بشپړ یو بهرنی جنګ دی چی هم یی افغان ولس  ستړی کړ او هم  یی دا وطن یوار بیا د غم پر ټغر کښینوی.

تر اوسه دقیقه احصائیه  نه ده معلومه چی د تیرو ۶ میاشتو په جنګونو  کی څومره افغانان د کنذوزپه ولایت کی وژل سوی، ټپیان سوی اود خپلو کورنو پریښولو ته مجبوره سوی دی؟

د جلال اباد په ۶ ولسوالی کی چی  داعش په نامه خلګ وژنی هغه هم افغان دی، جنګ په هره سیمه کی خپل ټغر خپور  کړی دی اوهرځای خلګ په بیلا بیلو نومونو  وژل کیږی د جنګ تر څنګ تاریاک بیا بله بلا ده چی یوازی د هلمند په ولایت کی ۲۰زره  میر منی په نشه روږدي دي او په ټول هیواد کي د نړيوالو شمیرنو له مخي درې میلونه افغانان په نشه روږدي، چي د ټولني د اوږدو دروند باراودولت يې د ژغورني لپاره عاجز دی.

د سرلوړي او سمسمور افغانستان په هیله

avatar
  ګډون وکړئ  
خبرتیا غوښتل د