د «ریکا ۶» غونډې پای

نن ټکی اسیا (یکشنبه، وږي ۱۵مه، ۱۳۹۴ل): د «ریکا» شپږمه غونډه وړمه ورځ په کابل کې پای ته ورسېده. ريکا په انګلیسي کې (Regional Economic Cooperation Conference on Afghanistan) ده چې مخفف یې RECCA کېږي، یا د افغانستان په اړه د سیمه ییزو اقتصادي همکاریو غونډه. په دغې غونډه کې د شاوخوا دېرشو هېوادونو او څلوېښتو نړیوالو بنسټونو استازو ګډون کړی و. د غونډو دغه بهیر په ۲۰۰۵م کال کې پیل شو چې تر دې دمه یې شپږ غونډې په بېلابېلو هېوادونو کې ترسره شوي. راتلونکې غونډه به په ترکمنستان کې په ۲۰۱۷م کال کې ترسره شي.

د کارپوهانو په باور، ریکا د افغانستان لپاره ځکه د ارزښت وړ ده، چې دغه هېواد په سیمه کې د اقتصادي پيوستون پر څلورلارې کې موقعیت لري. د ګډ حکومت مشر، اشرف غني هم ډېرې ژمنې کړې دي چې افغانستان د سیمه ییز اقتصادي پيوستون پر څلورلارې بدلوي.

خو په افغانستان کې د پردیو هېوادونو پر له پسې یرغلونو او لاسوهنو له دغه هېواد څخه دغه چانس اخیستی چې له دې موقعیت څخه د پام وړ ګټه پورته کړي. د ریکا په غونډو کې کارپوهانو د سیمه ییز پیوستون، سیمه ییزې انرژي، طبیعي زېرمو، د خصوصي سکتور ودې او له افغانستان سره د هېوادونو پر مرستو او ورته نورو مسئلو بحث او خبرې وکړې.

د غونډې په لومړۍ ورځ، د بهرنیو چارو وزارت مرستیال، حکمت خلیل کرزي وویل: «موږ باید له هغو سیاستونو څخه باخبره واوسو، چې په سیمه کې د سوداګرۍ خنډ ګرځي». ښاغلي کرزي د کوم هېواد نوم یاد نه کړ؛ خو ده وویل، دا به یوه ښه غونډه وي، خو پر ننګونو به محتاطانه بحث کوو. په سیمه کې د اقتصادي پیوستون تر ټولو ستر خنډ د هند او پاکستان ترمنځ اختلافونه ښودل شوي دي.

کرزي وویل، افغانستان، ترکمنستان او اذاربایجان د ټرانسپورټي دهلیز د بیارغونې په چارو بوخت دي، چین، ایران، افغانستان او قرغزستان به هم په خپلو منځونو کې ټرانزیټي دهلیز رامنځ ته کړي.

د افغانستان د اقتصاد وزیر، عبدالستار مراد وویل: «د افغانستان او زموږ د سیمه ییزو همکارانو اقتصادي راتلونکی له سوداګرۍ، ټرانزیت او په سیمه کې د انرژۍ د څانګې له ودې سره مستقیمه اړیکه لري او روښانه اقتصادي تګلارې نه یوازې په افغانستان بلکې په سیمه کې د ودې زمینه برابروي».

څیړونکي د ریکا شپږمه غونډه د افغانستان او د سیمې هېوادونو لپاره خورا مهمه بولي.

دوی وایې، د سیمې په کچه د لوړو اقتصادي ګټو لپاره باید د سیمې هېوادونه سره همغږي شي او د افغانستان د اقتصادي کولو لپاره دې لاس ورکړي.

شانتي دیسوزا په هند کې د منتریا څیړنیز مرکز رییسه وایی: «زه فکر کوم چې دا ډیر یو مهم کنفرانس دی ځکه افغانستان په داسی شرایطو کې قرار لري چې باید یو ځل بیا د یوه ترانزیتي هېواد په توګه د سیمې هېوادونه سره ونښلي.

اوس د کلونو یو فرصت منځته راغلی څو افغانستان او د سیمې هېوادونه سره یو شي او افغانستان له اقتصادي اړخه په ځان بسا کړي».

کارپوهان په سیمه کې مهمې اقتصادي پروژې لکه د ټاپي او کاسا یکهزار او نورې خورا مهمې بولې او له ټولو هیوادونو غوښتنه کوي چې په دې برخه کې عملي ګامونه واخلي.

د یادولو وړ ده چې په افغانستان کې د بهرنیانو شتون او د جګړې راوړل هغه څه دي چې د سیمې د اقتصادي پيوستون له مهمو خنډونو څخه ګڼل کېږي.

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
عبید
میلمه
عبید

داسی اقتصادی ترقی دی اور واخلی چې علمادی شهیدان طالبان دی اسیران او ددینی طبقی ټوله مربوطه کسان دی تر هرډول فشار لاندی وی او وطن مو اشغال وی کفار او دنړی صلیبیان مو په پاک وطن کی کلیساوی چوړوی هره نوعه قیمتی شیان په پټه غلا کوی بدمعاشیانی کوی او هره نوعه ظلم چی یی په وس کی وی ځان نه ځنی سپموی دا طرقی نه غواړو ازادی غواړو حریت غواړو ازاد اسلامی او بیا مترقی افغانستان غواړو