افغانستان

قطر په کابل کې خپل سفارت پرانیزي

نن ټکی اسیا (وږي ۱۵مه ۱۳۹۴ل): د افغانستان د بهرنیو چارو وزارت ویلي چې په نېږدې وخت کې به قطر په افغانستان کې خپل رسمي سفارت پرانیزي.

د بهرنیو چارو وزیر صلاح الدین رباني له خپل قطري سیال خالد بن محمد العطیه سره په دې موضوع غږیدلی او دواړه لوري پرې موافقې ته رسېدلي.

د سفارت د پرانېستلو دقیقه نېټه لا څرګنده نه ده.

د وږي په ۱۳مه صلاح الدین رباني له خالد العطیه سره د بهرنیو چارو وزارت په انګړ کې وليدل. دواړو لورو په کابل کې د قطر د سفارت د پرانیستلو خبرې اترې وکړې.

په دغه لیدنه کې موافقه وشوه چې افغانستان او قطر به په راتلونکو ورځو کې په بېلابېلو برخو کې یو شمېر موافقې لاسلیک کړي.

د کرزي د دورې پر مهال هم بهرنیو چارو وزارت په کابل کې د قطر د دفتر پرانېستلو په اړه خبر ورکړی و خو وروسته په قطر کې د طالبانو د سیاسي دفتر د پرانېستلو سره د دواړو هېوادونو تر منځ اړیکې خړې شوې چې له کبله یې سفارت پرانېستنه هم پاتې شوه.

دوه کاله مخکې هم د افغان او قطري چارواکو له خوا په کابل کې د قطر د سفارت د پرانيستل کېدو په اړه خبرې شوې وې.

د قطر حکومت د افغانستان اړوند چارې په اسلام اباد کې له خپل سفارته سنبالوي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x