افغانستان

د کابل پر څلورو دروازو امنیتي سکینرونه نصبیږی

نن ټکی اسیا (سه شنبه، وږي ۱۷مه ۱۳۹۴ل): د کابل د امنیت د تامین لپاره ددغه ښار پر څلورو دروازو امنیتي سکینرونه نصبیږي.

په کابل کې د چین سفیر دنګ شیوجنګ د ملي امنیت له سلاکار حنیف اتمر سره په یوه لیدنه کې ویلي چې د کابل ښار د امنیت د تامین لپاره دوی امنیتي سکېنرونه چمتو کړي دي او تر راتلونکو څلورو اونیو پورې به یې افغانستان ته راولېږدوي.

د ملي امنیت د سلاکار دفتر خبرپاڼه وايي چې دا امنیتي سکېنرونه به د لویو وسایطو او نورو د پلټنې وړ موادو په پلټنه کې له ملي امنیتي ځواکونو سره مهمه مرسته وکړي. د چین هېواد متخصصین به د دې وسایلو په نصیب او له هغو څخه د استفادې لپاره د افغان امنیتي ځواکونو په روزلو کې هم مرسته کوي.

په دغه لیدنه کې د ملي امنیت سلاکار د چین هېواد له مرستو او همکاریو د قدردانۍ تر څنګ ویلي چې چین يې نېږدې ملګری او همکار دی او د چین خلکو او دولت په تېرو دولسو کلونو کې پر خپلو پراخو مرستو او همکاریو دا دوستي لا ډېره ثابته او واضحه کړې ده.

د ملي امنیت سلاکار زیاته کړه چې د کابل ښار د څلورو دروازو د امنیتي سکېنرونو د انتقال لپاره به د ملي امنیت شورا دفتر له اړوندو ادارو سره لازمه همغږي وکړي.

د کابل په څلورو دروازو کې د امنیتي سکینرونو د نصبولو خبر په داسې حال کې ورکول کیږي چې طالبانو موده وړاندې په کابل کې په بهرنیانو څو چاودنې ترسره کړې او په جنوب و شمال ولایتونو کې يې ډيری سیمې له دولته ونیولې.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
اسحاق زاده

چین او روسیه غواړی چي دغرب مستعمل یوز جاسوسان خپل کړي ترڅو دراتلونکی نو ی جګړی مخ پر ډب کړي خو داجګړه تر نورو توپیرلری دزړو جاسوسانو کار یی نه دي .

Back to top button
1
0
Would love your thoughts, please comment.x
()
x