نړۍ

روسي پوځیان په سوریه کې د بشار الاسد په ملاتړ جنګیږي (انځورونه)

نن ټکی اسیا (چهار شنبه، وږي ۱۸مه ۱۳۹۴ل): یوې روسۍ ویب پاڼې د هغو روسي سرتیرو انځورونه خپاره کړي چې په سوریه کې د بشار الاسد له جنګیالیو سره اوږه په اوږه جنګیږي.

د «by24» په نامه انټرنټ پاڼه لیکي چې دغه انځورونه روسي سرتیرو له سوریې څخه د خواله رسنیو له لارې په پراخه کچه خپاره کړي. ویب پاڼه زیاتوي چې «دې کار یو ځل بیا ثابته کړه چې روسي سرتيري د خپلې دندې اسرار نه شي ساتلی او له خواله رسنیو سره خپله لیونۍ مینه نه شي کابو کولی».

د دغو انځورونو چې شمېر یې ۴۰ ته رسیږي، د اخیستلو پر مهال روسي سرتیرو تخنیکي تیروتنه کړې او د موقعیت غوراوی یې بل پرې ایښی، چې له کبله یې په سوریه کې د هغوی د ځای ځایګی په اړه معلومات هم خپاره شوي. سربېره پر دې، په انځورونو کې د سوریې بیرغ هم لیدل کیږي.

د انځورونو له موقعیت څخه څرګندیږي چې روسانو خپل سرتيري د سوریې په مختلفو برخو کې ځای پر ځای کړي. همدا راز په انځورونو کې د روسي پوځیانو بشپړ ټولي لیدل کیږي چې په وسلو او مهماتو سنبال دي.

مخکې برتانوۍ ورځپاڼې «ټایمز» راپور ورکړی و چې روسي ځواکونه په سوریه کې د بشار الاسد له جنګیالو سره اوږه په اوږه جنګیږي. ورځپاڼې د یو سوریايي تلویزون هغې ویډیو ته اشاره کړې وه چې په کې ځیني کسان لیدل کیږي چې د روسي ساخت پوځي ګاډي له شا څخه په روسي ژبه د جګړې قومانده ورکوي.

syria 2

syria 3

syria 4

syria 5

syria 6

ټاګونه

ورته لیکنې

ګډون وکړئ
خبرتیا غوښتل د
guest
2 Comments
زړو
نویو ډیرو خوښو شویو
Inline Feedbacks
ټولې تبصرې کتل
حاجی نرخ

ښه شه چی دسوری مجاهد ولس ته خفل اصلی جهاد ثابت شی او جهاد دسوری دخلقو کور ته ورغی

غ.حضرت

آیا دا کومه عجیبه خبره ده؟

Back to top button
2
0
Would love your thoughts, please comment.x
()
x
Close
Close