په کابل او هرات کې محصلینو دامریکا خلاف درنې مظاهرې را ایستلي

نن یکشنبه د کابل پوهنتون محصلینو دامریکا په خلاف خورا ستره مظاهره وکړه ،  په دې مظاهره کې چې دکابل پوهنتون ،پول تخنیک انستیتیوت او تعلیم او تربیې پوهنتون زرګونو محصلینو په کې ګډون کړی وو ، دامریکا په خلاف یې سخت شعارونه ورکړل ، او په امریکا کې جوړ شوی  فلم یې له اسلام او مسلمانانو سره څرګنده دښمني وبلله

محصلینو چې دمرګ به امریکا مرګ به اسرائیل شعارونه یې ورکول ، دکرزي له ادارې وغوښتل چې په سمدستي ډول په کابل کې امریکایي سفارت وتړي .

محصلینو په یوه غږ غوښتنه وکړه چې امریکایی ځواکونه دې دافغانستان له پاکې خاورې ووزي ، دغه راز دوی په لیبیا کې دامریکایي سفیر قتل وستایه ، او ویې ویل چې امریکایي جنایت کاران باید په نړیواله  محکمه کې محاکمه شي .

دغه راز همدا نن په هرات ولایت کې هم محصلینو دامریکا په خلاف یو ستر لاریون وکړ ، دهرات محصلینو چې شمیر یې ترسلګونو اوښت دامریکا بیرغ ته اور واچاوو ، او له حکومت یې  وغوښتل چې له هغو ټولو هیوادونو سره هرډول روابط قطع کړي چې په یوه نه یوه ډول ددې توهین آمیز فلم په نشر کې دخيل دي .

باید وویل شي چې په افغانستان کې دمحصلینو اعتراضونو ته په خورا  ارزښت سره کتل کیږي و او ډیر ځله افغان محصلین توانیدلي په خپلو لاریونونو سره مهم  تحولات رامنځته کړي .

avatar
  ګډون وکړئ  
خبرتیا غوښتل د