نړۍ

منی: د ټېل ماټېل له کبله ۲۲۰ حاجیان وژل شوي

نن ټکی اسیا (پنجشنبه، تلې ۲مه، ۱۳۹۴ل): د سعودي عربستان د ولسي دفاع ادارې ویلي چې د مکې مکرمې په «منی» سیمه کې د جمراتو ویشتلو پر مهال د زیاتې ګڼې ګوڼې او ټېل ماټېل له امله ۲۲۰حاجیان وژل شوي او ۴۵۰ ژوبل دي.

نوموړې اداره زیاتوي چې روغتیايي ډلې سیمې ته رسیدلي او د متضررو حاجیانو په مرستې لاس په کار شوي او ټپي حاجیان نږدې روغتیايي مرکزونو ته لیږدوي.

د «محمد» په نامه یو حاجي سیمه ایزو رسنیو ته د پیښې په اړه ویلي: «د حاجیانو بهیر د جمراتو پر لور روان و، ګورم چې مخکې لار بنده ده، څو شیبې پس له شا نه د حاجیانو تازه دمې جوپې راورسېدې او سخت ټېل ماټېل رامینځته شو، ښځو په لوړ اواز چیغې وهلې او سپین ږیري پر ځمکه راپرېوتل».

د ولسي دفاع ادارې چارواکي وايي چې تراوسه یې د ۲۲۰ حاجیانو مړي له ګڼې ګوڼې څخه را ایستلي دي، چې ډیری یې ښځې او سپین ږیري دي.

نن د اختر په لومړۍ ورځ لکونه حاجیان د جمرة العقبې د ویشتلو په موخه له بیت الله شریف څخه «منی» ته روان دي.

تر اوسه د مړو او ژوبلو حاجیانو هویت نه دی اعلان شوی.

ټاګونه

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
خاکسار فاریابی

انالله و انا الیه راجعون

Back to top button
1
0
Would love your thoughts, please comment.x
()
x
Close
Close