افغانستان

د فراه خاک سفېد ولسوالۍ هم طالبانو ونيوله

نن ټکی اسیا (چهار شنبه، تلې ۸مه، ۱۳۹۴ل): فراه ولايت څخه تر لاسه شوي خبرونه وايي، چې طالبانو خاک سفيد ولسوالۍ هم له سختو جګړو وروسته ونيوله.

د طالبانو وياند قاري محمد يوسف احمدي رسنيو ته په لېږل شوې خبرپاڼه کې څرګنده کړې، چې ملګرو يې له ډېرې مودې خاک سفېد ولسوالۍ محاصره کړې وه او دولتي ځواکونو څو څو ځله هڅه وکړه، چې د طالبانو محاصره ماته کړي، مګر دوی په خپلو هڅو کې پاتې راغلل، چې بالاخره تېره شپه طالبانو د ولسوالۍ مرکز، امنيه قوماندانۍ او اړوندې دفاعي پوستې په بشپړه توګه ونيولې.

قاري احمدي زياتوي، چې ملګرو يې د دولتي عسکرو پنځه نظامي وسايط او په کې سپاره ټول عسکر له منځه وړي دي او ګڼ شمېر نظامي توکي او موټر يې نيولي دي.

د فراه ولايت چارواکي د خاک سفېد ولسوالۍ په اړه د خبريالانو پوښتنو ته ځواب نه وايي.

د يو بل خبر له مخې طالبانو د بادغيس ولايت قادس ولسوالۍ پر مرکز او اړوندو ودانيو ډله ييز بريدونه پيل کړي دي.
راپورونه وايي، چې اوس هم سخته جګړه روانه ده.

د قادس ولسوالۍ د جګړې په اړه د نورو معلوماتو لپاره نن ټکی اسيا څارئ.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
mha

It looks like the northern alliance and Shorai Nizar morals are on low levels and Mr. Dustom’s boostings are not helping that much . They may ask the US, one more time, to bomb the Taliban with bigger and heavy bombings so they can take care of their bank accounts and get ready to flee. Taliban have brave and hard fighting fighters and they proved it in the war against red army.

Back to top button
1
0
Would love your thoughts, please comment.x
()
x