ټولنیزه برخه

نیوکه او تنقید

لیکوال: حامد افغان

له یوه لویځوال مفکر نه پوښتنه وشوه چې د لویدیځ د پرمختګ راز په څه کې ده؟ هغه په ځواب کې ورته وویل: د نظر مخالفت د انسان سپیڅلی حق ګڼل. دا بې له شکه کره خبره ده، دا د یوه لویدیځوال مفکر خبره نه ده دا د فطرت یو قانون دی او دا قانون په یوه نبوي حدیث کې داسې بیان شوی دی: اختلاف امتي رحمة.( د دې حدیث په صحت کې خبرې شته خو ملاعلي القاري رحمه الله وایي دا حدیث الخطابي راخیستی او القرطبي هم، نو کیدی شي اساس ولري).

د نظر مخالفت هر وخت د نیوکي او تنقید په شکل رامنځته کیږي، نیوکه که په هر چا کیږي هغه په حقیقت کې د مطالعې او څېړني یو شکل دی، د نیوکي او تنقید موخه په یوه موضوع د نظر ښکاره کولو پیل وي د تنقید موخه دا وي چې د یوې موضوع په اړه مختلف ذهنونه په مخلصانه توګه د خپلو څیړنو پایلې بیان کړي، او بیا دې نور خلک د هغه اړوند خپل نظرونه ښکاره کړي، او دا ډول ازادانه نظر څرګندول د ذهني پرمختګ لازمي غوښتنه ده.

علم پخپله یوه نامحدوده موضوع ده، دا خبره په دیني او دنیوي ټولو چارو کې یو ډول رښتینې ده. د نظر مخالفت بې له شکه رحمت دی او په هر صورت ګټور کار دی، دلته باید یو شرط په نظر کې ونیسو او هغه دا چې د نظر مخالفت کول باید په کره دلیل تکیه ولري، او هسې پوچه ادعا با د چا شخصیت کمزوری کول مطلب نه وي.

د نظر د مخالفت ګټې خورا زیاتي دي، په دې سره ترغور لاندې موضوع کې نوي اړخونه راپورته کیږي، په دې سر تخليقي فکر وده کوي، په دې سره خلک کولی شي چې د نورو د فکر له پایلو ګټه ترلاسه کړي، او په دې سره د موضوع پټ اړخونه را برسیره کیږي او داسې نوري ګټي..

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
حنیف

مننه حامد أفغان صيب… په اوس وخت کی چی سوک په بل تنقید کوی، اول خپل نظر سرگند کری او بیا ورته سپکی سپوری او بدی ردی ووایی…

Back to top button
1
0
Would love your thoughts, please comment.x
()
x