شعـــــرونه

دا وطن یې د بچیانو همت ساتي

نورمحمد غفوري

د ځوانۍ مې بهارونه راغلل تیر شول
په وطن مې خزانونه راغلل تیر شول

زموږ خاوره د جنګونو لابراتوارشوه
رنګارنګ پرې یرغلونه راغلل تیر شول

له زخمونو د قربان شمه وطنه
په تا ډیر عظیم دردونه راغلل تیر شول

ستا د ویش ارمان به ګورته سره یوسي
د دښمنو لښکرونه راغلل تیر شول

دا وطن یې د بچیانو همت ساتي
د ویشلو یې پلانونه راغلل تیر شول

اې لار ورکو د آرمان درنو ملګرو
لمر راخیژی ما ښامونه راغلل تیر شول

حوصله د لاسه ورنکړې افغانه
د تاریخ د غم موجونه راغلل تیر شول

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x