افغانستان

نيمروز: خاشرود کې دوو پولیسو خپل ۹ ملګري وژلي

نن ټکی اسیا (دوشنبه، تلې ۲۰مه، ۱۳۹۴ل): د نیمروز ولايت په خاشرود ولسوالۍ کې دوو پولیسو د ټوپک شپېلۍ پخپلو ملګرو ور اړولې نهه تنه يې وژلي دي.

وسله والو طالبانو د بريد مسوولیت منلی او بريدګر يې خپل « نفوذي ملګري» بللي دي، چې له بريد وروسته روغ ور رسېدلي دي.

دغه بريد د يادې ولسوالۍ په غورغوري سیمه کې د ځنځير پوسته کې تېره شپه رامنځته شوې ده.

وسله وال طالبان وايي چې په بريد کې ګڼ نور پولیس هم ټپیان شوي دي او د دوی د ملګرو او نورو پولیسو تر منځ جګړه هم شوې ده.

دوی رسنیو ته په لېږلې خبرپاڼه کې لیکلي: «له برید وروسته دواړه مجاهدین په بریالیتوب سره ددښمن له یوه ثقیل ، یوچریکي هاوان ، ۳کلاشنکوفونو سره روغ رمټ ترمجاهدینوپوري راورسیدل.»

تر دې وړاندې هم ورته خپل منځي بريدونو ګڼه مرګ ـ ژوبله اړولې ده، چې د پوځي شنونکو په باور دا ډول بريدونو د امنیتي ځواکونو تر منځ خپل منځي باور خورا کمزوری کړی دی.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x