دیني، سیرت او تاریخ

دیویشتمې پېړۍ امریکایي کتاب (فرقان الحق) – علمي څېړنه (۱۲)

لیکنه اوڅېړنه: عبدالغفار جُبیر

۵: ښاغلی آرتـرجي. اربري (Arthur J. Arberry) د قرآن کریم د حقانيت په هکله وايي

که څه هم قرآن کریم داسی مغلق او لوړ معیار درلودئ چي زما لپاره ورباندي پوهیدل ناشوني وو خو بیا مي هم و ژباړه، زه په دې آند یم چي قرآن کریم د مځکې پر مخ باندي د ټوله انسانیت لپاره د ادبیاتو او سترو اخلاقو یوه ستره سرچينه ده.

د قرآن کریم د کلمو اسلوب، د معناو اعجاز، دحروفو امتیاز دا هغه څه دي چي د قرآن کریم په هغه ډول سره چي ښایي وژباړل شي ناشونی کار دئ.

۶: جي ايم راډول د اسلام د حقانيت په هکله وايي:

قرآن کریم د ټولې نړۍ دمذهبونو څخه یو ستر مقام لري، دا د ځوانانو لپاره د ادبیاتو یوه ټولګه ده ، دا کتاب د نړۍ پر زیاتو انسانانو باندي خپله پوره اغیزه لري، دا کتاب تر ټولو د ښو تازه اخلاقو ټولګه ده په ځانګړي ډول سره د بشریت لپاره، په لومړي سر کي ئې د صحرا مختلف عرب قبایل واړول او په هغوی کي ئې انقلاب راوستئ، له دوی څخه ئې دنړۍ اتلان جوړ کړل، و دوی ته ئې سیاسي مذهب ورکړ، دوی ئې په هر څه باندي پوه کړل، دا چي په ټوله نړۍ کي مسلمان امت شتون لري حتی په اروپا کي دا ټوله د همدې کتاب اغیزې دي.

۷: پروفيسر تیجاتا د اسلام د حقانيت په هکله وايي:

زه له درو کلونو راهیسی له قرآن کریم سره دلچسپي لرم، زه په دې باور یم چي هر هغه څه چي ۱۴۰۰ کاله وړاندې حضرت محمد صلی الله علیه وسلم ویلي دي هغه ټول حق دي، او هغه له یوه خالق له لوري دي، چي هغه الله جل جلاله دئ.

دا چي حضرت محمد صلی الله علیه وسلم نه څه لوستلای شوای او نه ئې لیکلای شوای نو ضرور د خدای استاځي وو.

پروفیسر تیجاسن د قرآنکریم او جنین پوهنې د مختلفو مقالو مطالعه وکړل، ده څلور ورځې د مسلمانانواو غیر مسلمانانو سره په دې هکله خبرې وکړې، د سعودي عربستان په ریاض کي ئې په اتم سعودي میډیکل کانفرنس کي داسی وویل:

د تیرو درې لسیزو راهیسی زما لېوالتیا د قرآن سره زیاته شوېده، کومی مطالعې چي ما کړیدي دا درته ویلای شم چي ۱۴۰۰ کاله مخکي چي قرآنکریم د کوم شی بیان کړیدئ هغه ټول حق دي؛ او د قرآن کریم هره خبره د ساینس یو بنسټ دئ چي د دې حقیقت څخه هیڅوک سترګې نشی پټولای، محمد صلی الله علیه وسلم که څه هم  په لیک او لوست نه پوهیده خو بیاهم ئې د داسی پوره هستۍ داسی ښکلي پېغامونه ئې وخلکو ته ورسول چي هغه ددې ټوله کایناتو پیدا کوونکي دئ، چي هغه  ته خدای یاالله وایي۔

۸: پروفيسر سايويدا د اسلام د حقانيت په هکله وايي:

هغه څه چي ما د قرآن کریم مطالعه وکړل، زه ورته حیران شوم، چي څومري هره څېړنه ئې د رمزه ډکه ده، زه په یقیني توګه سره درته ویلای شم چي دا کتاب یو عجیب کتاب دئ، د اعتماد وړ کتاب دئ زه ددې کتاب د ټولو لارښونو سره پوره موافق یم.

شیخ زندانی په یوه ځانګړی ملاقات کي ورڅخه ډېرې پوښتنې د قرآنکریم د حقانیت په هکله وکړې، چي د غرو، سمندرو، د غرود جوړښت او دمځکې پر مضبوطوالی باندي مشتملې وې، او یوه پوښتنه ئې دا ور څخه وکړل:

دکایناتو هغه پټ راز چي اوس ساینس پوهانو پیدا کړی دئ، او هغه ۱۴۰۰ کاله مخکي چي په قرآنکریم او سنت نبوي صلی الله علیه وسلم کي موجود وه تاسی ورته په څه نظر ګورئ؟

زه په دې باور یم چي دا هر څه د پټو رازونو نه ډک او د پوره یقین وړدي، تاسي چي هر څه وایاست هغه ټول یقیني او حق دي، او دا کتاب (قرآنکریم) له ټولو کتابونو څخه امتیاز لري، او زه درسره موافق یم۔

۹: پروفيسر درجار او د اسلام د حقانيت په هکله وايي:

دا ډېره مشکله ده چي انسان فکر وکړي چي هغه څه چي ۱۴۰۰ کاله مخکي بیان شوی دي، او اوس دي انسانان ورباندي پوه شي، زه دا درته ویلای شم چي دا د یوه عادي انسان پوهه او لیکنه نه ده، بلکې دا د ما فوق الفطرت څخه سرچينه لري.

شیخ عبد المجیدز ندانی دقرآني ایاتونو د حقانیت په هکله ورڅخه وپوښتل:

تاسی په قرآنکریم کي د ساینسي معلوماتو په هکله څه وایاست؟ او حال داچي امام الانبياءحضرت محمد صلی الله علیه وسلم ۱۴۰۰ کاله مخکي په دې پوهېدئ تاسی د قرآنکریم پرتله د نوي ساینس سره څنګه کوئ؟

پروفيسردرجاراو وویل:

دا د هر شي په هکله چي په قرآنکریم کي په تفصیل سره معلومات ورکول شوي دي ، ودې ته هرڅوک حیران شي، او دا کېدای شي چي په هغه وخت کي انسانانوپه څه شیانوکي څه محدود علم درلودئ، او قرآنکریم هرڅه داسی په تفصیل سره بیان کړیدي چي دا د انساني عقل او پوهې څخه لوړدي، او زه دا منم چي قرآنکریم د مافوق الفطرت دیوې سرچينی څخه راغلی دئ۔

۱۰: پروفيسر ويليم هی داسلام دحقانيت په هکله وايي:

زه ودې ته حیران شوم چي په مقدس کتاب قرآن کریم کي داسی څه شتون لري، چي هیښونکي او په زړۀ پوري دي، هغه څه پکښې دي چي په راتلونکي کي به کشف او اختراع شي، زه دا درته ویلای شم چي دا الهي کتاب دي.

شیخ عبدالمجید اې زندانی دهغه څخه دسمندردسطحې، لوړې ژورې، د سمندرو ترمینځ واټنو نه، د سمندرځمکه او داسی نورې پوښتنې وکړې چي ولیم هې ئې په ځواب کي وویل:

وماته داډېره په زړۀ پوری ده چي کوم معلومات چي په قرآنکریم کي شته هغه معلومات زما لپاره د ټولو نورو معلوماتو سرچينه شول؛ او دقرآنکریم معلومات د سمندرپه هکله ډېر نوي، هېښونکي او په زړۀ پوری دي۔

او زه دا تصدیق کوم چي قرآنکریم یو الهي کتاب دئ، دا ځکه چي په هغه وخت کي دا ایاتونه په داسی وچ دښت کي نازل شویدئ چي هیڅ سمندر هلته نه وو او له دې علم سره تر ډېر وخته پوری موږ واقف نه وو۔

یادونه: تاسی ګران لوستونکی کولای شی چي دقرآن کری اواسلام دحقانیت په هکله زما احقر په کتاب (نبي کریم صلی الله علیه وسلم دغیرمسلمانانو په آند) کي مطالعه کړﺉ.

۱۵: په فرقان حق کي چي د عربي ژبې کومه ژباړه په انګلیسي شویده هغه هم په ټکر کي ده یو ځای نه بلکې ډیرځایونه—چي یوبې سواده کس به لاداسی ژباړه ونکړي. او حال دا چي انیس شروش هم لیکوال دی او هم ژباړن  دی، داسی نه ده چي لیکوال یې بېل دی او ژباړن یې بېل دی.

نور بیا…

ددې لیکني ټولي برخي په لاندي ادرس موندلای شئ

http://bit.ly/forqan_haqq

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x