نظــر

د امریکايي یرغلګرو د موجودیت دوام / عبدالسلام ضعیف

سوله او ثبات همدارنګه د بهرني یرغلګرو موجودیت دوه متضاد فکرونه دي چې د هغوی دواړو په یوه وخت کي تحقق موندل ګرانه مسئله ده، دا چې څوک وایي چې امریکا یو باثباته افغانستان غواړي د خلکو په سترګو کې خاوري اچول دي، یا دا چې لمر په دوو ګوتو پټول دي، بلکه بالعکس تر اوسه هغوی د ټولي اسلامي نړی بي ثباته کول غواړي چې نژدي اوس ټوله اسلامي نړی همداسي ده، خلیجي عرب هیوادونه یي چې هم یي دوی ته پیسي، تیل، او اډې ورکړي، او د دوی سره یي ډیره سابقه ملګرتیا لرله، په یوه اوږده جګړه کې ښکیل کړه، هغوی عملا په سوریه، عراق او یمن کې په خونړي جنګ مصروف دي، ایران یي پر عربو باندي په عملي جنګ تشویق او ورته يې زمینه برابره کړه، سوډان یي د ختيځ سوډان سره په ستونزو اخته کړ، د مصر نظامي چارواکي يي د خپل ولس سره په داخلي جنګ اخته کړه، لیبیا یې د تل لپاره بي ثباته او هغه قوي اقتصاد یي ورته درهم برهم کړ، اسرائیل یي د مظلومو فلسطینیانو په وینو او ځمکو غاصب کړل، افغانستان او پاکستان او د دوی دوه مخي پالیسی خو موږ په خپلو سترګو وینو چې د استمرار په صورت کې کیدلای سي د یوه مستقیم برخورد سبب هم سي، روسان یي په یوه نیابتي جنګ بیرته د اسلامي نړی په وړاندي جنګ ته را ټېل وهل، د شیعه او سني مسئله يي دومره زهرجنه کړه چې په ټوله اسلامي نړی کي یي د ترپګنیو بنیاد وګرځاوه، ما وراء النهر ته خولا اوس د داعش په نامه نوې برنامه روانه ده، باثباته ترکیي هم د ډیر احتیاط او زیرکتیا سره سره د سي ای اي لخوا د جنګ په لومو کې راکښیوتل، نو څنګه ویلای سو چې امریکا یو باثباته افغانستان غواړي او دا څنګه منلای سو چې د دوی د مکار او چلبازه ښکیلاک په موجودیت کې به موږ د سولي او ثبات څښتان سو، نه هیڅ کله نه؟؟

دا چې تور او د نړی د مسلمانانو قاتل اوباما خپله فیصله د خپلي وعدې خلاف کوي چې نور هم د افغانانو د وژلو لپاره د خپلو یرغلګرو ځواکونو وخت اوږد کړي او هغه افغانان چې د دوی په ډالرو مزي کوي او د دوی د یرغل په زور په افغانانو باندې واکمني کوي د دوی هر کلی کوي، د غندلو وړ خبره ده، ښه به دا وای چې د خپل ټاټوبي د حل لپاره د سولي او ثبات په اړه فکر سوی وای، هغه واقعتونه باید درک کړل سوی وای او بیا منل سوي وای چې په ګران هیواد کې د وینو تویولو او جنګ اسباب جوړه وي ، تر څو یوه داسي لاره لټول سوي وای چې د تفرقي، کرکي، او جنګونو ورونه یي تړلي وای، زه د یوه افغان په توګه په دې عقیده یم تر څو چې په هیواد کې لږ او یا هم ډیر مسلح یرغلګر قوتونه په هر نامه او د هر څه لپاره چې وي تر هغو به هیواد په تحمیلي جنګونو کې سوځول کیږي، نوره به هم کرکه او نفرت ډيریږي او ویني به توییږي، خو د هغو کسانو څخه چې د امریکایي دجال ډالرو ته یي بوجۍ نیولي، د هغو بي وزلو افغانانو چې یا نه پوهیږي او یا هم د هغوی د مسکنت او غریبی څخه ناوړه استفاده کیږي.

نو د همدي کبله زه هم د امریکایي یرغلګرو تمدید او هم هغوی ته لبیک ویل دواړه د جنګ او بي ثباتي د استمرار په مانا ګڼم

د ګران هیواد د سمسورتیا او خپلواکی په هیله

عبدالسلام ضعیف

ورته لیکنې

ګډون وکړئ
خبرتیا غوښتل د
guest
3 Comments
زړو
نویو ډیرو خوښو شویو
Inline Feedbacks
ټولې تبصرې کتل
شاه ولی

مننه ضیف صاخب ډیر شه نظر لری الله دتوفیق درکړی او الله د زمونړ ملک پوه کړی

khalid

محترم ضعیف صاحب جزاک الله په قلم، پوهه او اند دی برکت شه او الله تعالی دی تر ډیره ژوندی لره ددی اسلامی خاوری مسلمانان ستا په شان خلکو ته ضرورت لری

محمدعالم

دیر په زره پوری وه ممنه

Back to top button
3
0
Would love your thoughts, please comment.x
()
x