افغانستان

په پنځه میاشتي وزارت کې «جهاني» د خپل وزارت ویب پاڼه «غني» نه کړه

نن ټکی اسیا (سه شنبه، تلې ۲۸مه، ۱۳۹۴ل): د ګډ حکومت کابینه چې نږدې په دریو پړاونو کې لا هم سرپرست وزیر لري، د اطلاعاتو او کلتور وزارت لپاره يې د پښتو ژبې نوموتی لیکوال او شاعر عبدالباري جهاني د وزير په توګه معرفي کړ.

عبدالباري جهاني د ولسي جرګې له لوري د رایو په اکثریت د دې وزارت لپاره ومنل شو، خو له کاري مودې يې نږدې پنځه میاشتې اوړې خو لا هم نه دی توانېدلی چې د خپل وزارت ویب پاڼه غني کړي، او نه يې هم له کاره ولس خوښ نه برېښي.

د برېښنا پاڼې لومړی مخ
د برېښنا پاڼې لومړی مخ

د اطلاعاتو او کلتور پر وزارت تر ډېر د بې بندوباره رسنیو په اړخ کې نیوکې کېږي، چې دغه وزارت يې د سمولو په برخه کې پاتې راغلی دی.

که څه هم د عبدالباري جهاني ټاکنه یوه پر ځای ټاکنه بلل کېدله، خو نوموړی تر اوسه نه دی توانېدلی چې د خپلو تبلیغاتو او نشراتو مهمه وسیله « د اطلاعاتو او کلتور وزارت وېب پاڼه » فعاله وساتي.

د دې وزارت په مسوولیتونو کې د رسنیو څارنه هم شامله ده، خو په وېب پاڼه کې يې د «رسنۍ» تر اپشن لاندې د یوې رسنۍ نوم هم نه دی خپور شوی، دوی تر اوسه په افغانستان کې د دولتي او غیر دولتي رسنیو نوملړ هم نه دی خپور کړی.

دغه وېب پاڼه چې یوازې پکې د عبدالباري جهاني ژوند لیک، د هغه د چاپ شوي او ناچاپ اثارو په اړه معلومات او څو لنډ خبرونه پراته دي، نورې اپشنې يې تشې پاتې دي.

په وېب پاڼه کې د « رسنیو قانون » چې یوه مهمه اړتیا د اطلاعاتو او کلتور وزارت د تګلارې یو مهم اړخ دی، هم تش پاتې دی، پر دې اپشن په ټک کولو سره لوستونکی تشې پاڼې ته بیايي.

په وېب پاڼه کې د هارون حکیمي په نوم، د اطلاعاتو او کلتور وزارت د سلاکار او ویاند تلیفون شمېرې او برېښليک خپور شوی، خو « نشراتي معینیت، فرهنګي معینیت، مالي اداري او ګرځندوی معینیت، د ځوانانو معینیت، رسنۍ، د رسنیو قانون» او نور ګڼ اپشنونونه تش پاتې دي.

بل اړخ ته که د همدې وزارت د دري ژبي څانګو وکتل شي، هلته له د جهاني صاحب پيژندنه هم نسته.information and culture

عبدالباري جهاني چې ډېر وخت يې په امریکا کې تېر کړی د امریکا غږ په پښتو برخه کې يې کار کړی او د افغانستان اوسنی ملي سرود يې هم جوړ کړی دی.

د اطلاعات او کلتور وزارت وېب پاڼه په لاندي ادرس کتلای شئ:

http://moic.gov.af/ps

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
ملنګ

عجیبه کوی
یو دغنی دنوم ورسره کولو لپاره مومکمل عنوان بدل کړ؟
ولا افرین
تراوسه یو عنوان وه
اوس بیا بل شو
لینه هم هغه یوه لیکنه !

Back to top button
1
0
Would love your thoughts, please comment.x
()
x