نظــر

د عصر کربلا

لیکوال: نصیب ځدران

دا دنیا د امتحان ځای دی ، د سزا او د جزا ځای نه دی نه یې کامیابي او ناکامي ابدي ده!!!!!!

د کربلا په میدان کې کله چې د حضرت حسین (رض) ټول ملګري شهیدان شول ، یواځې پاتې شو ، ټپي هم وو ، نو خپل زوی عبدالله چې د غیږي ماشوم وو او را ویي غوښتو تر څو آخري دیدن ورسره وکړي ، په غیږ کې یي ونیو ، ښکل یي کړ ، په همدې وخت کې د بل طرف نه غشی راغی او د عبدالله د مری نه بل طرف ته ووتلو او ذبحه شو ، د حضرت حسین (رض) دواړه لاسونه په وینو ډک شول ، موټي یې بند کړل او د آسمان په طرف یې دواړه لاسونه ونیول ویې ویل .

“یا الله !! موږ په هر حال کې درڅخه راضي یو ، که تا خپل نصرت په موږ درولی وي موږ بیا هم درڅخه راضي یو ” !!!!!!!

د دنیا ناکامي یا کامیابي عارضي ده ، الله تعالي خپل بندګان آزمایي چې څوک به په امتحان کې موسي (ع) ، ابراهیم (ع) ، محمد (ص) ، په صف کې دریږی او څوک به د فرعون ، نمرود او ابوجهل په صف کې دریږي ، څوک به د حسین سره یو ځای ځانونه ذبحه کوي څوک به د یزید ، شمر او ابن زیاد سره خاندي !!!!

همداسي امتحان په موږ هم راغلی، یوه ډله ده چې د بګرام ، کیوبا او پلچرخی زندانونه ځان ته خوښ کړل ، خپل بچیان یي د حسین (رض) د ملګرو غوندي د ذبحه کولو لپاره میدان ته حاضر کړل ، د کورونو کلیو څخه مهاجر شول.

او بله ډله ده چې د نړیوالو قوتونو له ویرې او د یو څه مراعاتو په بدل کې لوکس موټر ، عصري دفترونه ، لوی کورونه ، خوښ کړل ، بچیان یي اروپا ته ولیږل ، بانکونه یي د ډالرو ډک کړل ، نه اوله ډله د تل لپاره ناکامه ده او نه دوهمه ډله د تل لپاره کامیابه ده .

دنیا د امتحان ځای ده د کامیابي او ناکامی فیصلې به په آخرت کې کیږی.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
محمد حقاني

ډیر ښه حقیقت دي بیان کړي دې الله جل جلاله اجر عظیم درکي او الله جل شانه دي موږ په پوهوی

Back to top button
1
0
Would love your thoughts, please comment.x
()
x