نړۍ

امریکا: په عراق کې د داعش ختمېدل به ۵ کاله وخت واخلي

نن ټکی اسیا (يکشنبه،لړم ۳ مه، ۱۳۹۴ل): په عراق او سوریه کې د داعش په خلاف جوړ شوي نړیوال ایتلاف ویاند وویل چې ددغه تنظیم د ختمولو لپاره به د ۳ څخه تر ۵ کاله وخت ولګیږي.

د الجزیره تلویزون د خبر سره سم نوموړي د روسیې پر بمباریو هم تنقید وکړ او هغه یې بې نظمه وبللې.

امریکا جنرال ستیف وارن په بغداد کې د امریکايي سفارت څخه په یوه خبري کانفرانس کې رسنیو ته وویل چې دوی په دې وروستیو کې د داعش په خلاف د بمباریو له لاري په بیجي ښار کې د عراقي ځواکونو په ملاتړ پرمختګ کړی.

نوموړي وویل چې د اسلامي دولت ډله (داعش) په اوسني وخت کې د ۲۰۱۴ کال په قوت نه دی پاته، خو بیا هم یوازي په بمباریو نه شي ماتېدلای، بلکي ځمکني ځواکونو ته اړتیا سته.

نوموړي وویل چې ددوی یو تن عسکر د تیري پنجشنبې په ورځ د شپې په یوه عملیاتو کې ووژل شول.

دغه عملیات چې په الحویجه ښار کې تر سره شول، یو امریکايي په کښي ووژل شو او د امریکایانو په وینا ۶۹ هغه کسان وژغورل شول کومو چې د داعش له خوا د اجتماعي قتل لپاره انتظار کاوه.

د ایتلاف ویاند په سوریه کې پر روسي بمباریو انتقاد وکړ او وې ویل چې مونږ د روسیې بمبارۍ څارو، دغه بمبارۍ غیر مسؤوله، غیر مرتبي، او بې نظمه دي، اصل هدف یې په سوریه کې د بشار الاسد واکمني پراخول دي او همداسي ورسره د سوریې د ولس ستونزي زیاتول دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x