ghafori

د زړه مینه

څوک به د نوم هسې په خوله یادوي
زما د هر سلول په زړه یادوي

د خیالي څڼو به د څه ووایم
خیال مې یې هر ويښته ويښته یادوي

چاته د مېنې مينه ټوکې ښکاري
ځینې یې لوړه تر هر څه یادوي

مینان یو بل ته ګواښیږی سره
د غمازانو فتنې نه یادوي

قاضیان د ښکلو پر مخ خولې لګوي
زموږ ګناه بیا، تش کاته یادوي

چې د وفا نښانې نه وی پکې
داسې معشوقې به څوک څه يادوي؟

آشنا راځه د عقل لاره نيسه
رقیب د بد او که د ښه یادوي

د ګډ ارمان سختو شېبو ملګرو!
(غفوری) تاسې پل په پله یادوي

نورمُحـمَدغـفوري

avatar
  ګډون وکړئ  
خبرتیا غوښتل د