army injured in afghanistan

ماتیږي به بیا داړې دښامار دانه دانه

ماتیږي به بیا داړې دښامار دانه دانه
کړۍ داستبداد او استعمار دانه دانه
باور مې دی چې لمر به په همدغه لاره راشي
ګڼ ستوري یې قربان دي په دې لار دانه دانه
راځه ته یې قاضي زه دې بخښلی شم کنه
زما یاد دی دشهیدې ناوې هار دانه دانه

هلال به شي په نن سبا کې سپین سپیڅلی بدر
ښکاره به شي په شپه کې هر غدار دانه دانه
لمر مخو راټول کړی د رڼا په تاندو ګوتو
له غیږې دباروتو سپین سهار دانه دانه
پریږدي به مو پر مېنه باندې وږیو اربکیو !
همداسې وږي وږي او نهار دانه دانه
که نه غواړئ چې شئ دجهنم داور دپیلوزي
راځئ ترې دجهاد په لویه لار  دانه دانه
چې ماته یې نړۍ ده  دطالب ټیکنالوجي
یوه ژیړه ډبه بل ماشیندار دانه دانه
دمصر په درست ښار کې له یوسف نه سیوا څوک وو
دي ښکلي ویشل شوي په هرښار دانه دانه
ملا دابه هم زم زم وي چې دعشق له خواږه درده
بهیږي رڼې اوښکې په رخسار دانه دانه
په څنګ دحماسه کې احترام ګڼم دحسن
غزل دغزالانو په سینګار دانه دانه
اې ومې لوله زده مې کړه کتاب یمه د حسن
د ژوند پاڼې مې واړوه په شمار په دانه دانه
زما د زړه په درز باندې جانان ځکه موسکی شي
ماشومې تلوسې ته شي انار دانه دانه
د مینې و ګناه ته مې ده ځکه ملاتړلې
حماد وایي بخښي خدای ګنهګار دانه دانه

———-

غزل  ــ  حماد
مولوي عبدالاحد حماد

د نن ټکی اسیا موبایل اپلیکیشن
avatar
  ګډون وکړئ  
خبرتیا غوښتل د