افغانستان

طالبانو اته هزاره‌ګان د تښتوونکو له منګولو ازاد کړل

نن ټکی اسيا (سه شنبه ۱۹ لړم، ۱۳۹۴ ل): وسله‌والو طالبانو د هغو ۳۱ هزاره‌ګانو له جملې چې تېر کال د کب/حوت د میاشتې په ۵مه ناڅرګندو وسله‌والو تښتولي وو، د تښتوونکو له منګولو ازاد کړي دي.

د غزني ولایت د جاغوري ولسوال ظفر شریف د اتو تښتول شوو هزاره‌ګانو خوشې کېدلو پخلی کړی او ویلي یې دي چې دغه کسان په زابل کې د داعش په نوم ډلې سره بندیان وو.

ویل کیږي چې دغه هزاره‌ګان په زابل کې د داعش پلوه ازبکانو لخوا تښتول شوي وو چې له منځه یې ۱۹ پخوا خوشې شوي وو او ۷ کسان يې څو ورځې وړاندې وژلي وو. طالبانو ددغو ۷ کسانو ۸ قاتلین تر هغه وروسته پرون اعدام کړل چې تر یوې سختې جګړې وروسته یې ونیول.Hazara freed 1

د جاغوري د ولسوال له قوله د طالبانو او داعش تر منځ جګړه کې دغه کسان طالبانو ونیول او بیا دوی د جاغوري ولسوالۍ سپین ږیرو او مخورو ته وسپارل.

په عین حال کې د ولسمشر اشرف غني د ویاند مرستیال ظفر هاشمي د ۸ هزاره‌ګانو تر خوشې کېدو وروسته په یوې خبري ناسته کې ادعا وکړله چې دوی ملي امنیت ځواکونو د اوپراتیفي عملیاتو په ترڅ کې خوشې شوي دي.

نوموړي زیاته کړله چې د تېرو څو میاشتو راهیسې د دغو یرغمل شوو کسانو د خلاصون لپاره یې هڅې کولې او په دې لړ کې ځانګړو ځواکونو څو ځل عملیات هم کړي دي.

د هاشمي له قوله د هزاره‌ګانو د خلاصون لپاره دوی بېلابېلې طرحې پر کار واچولې چې یوه یې هم د سیمه‌ییزو مشرانو منځګړتوب و. هغه وویل «دا طرحه ځکه ناکامه شوه چې یرغمل شوي کسان د بهرنیو تروریستانو سره وو».

د غزني مرستیال والي محمد علي احمدي هم د ۸ هزاره‌ګانو خوشې کېدو تایید کړی دی او ویلي یې دي چې یاد کسانو کې یو ماشوم، یوه ښځه او پنځه نارینه شامل دي چې د بامیان او سرپل د ولایتونو اوسیدونکي دي.

د والي مرستیال هم منلې چې تښتول شوي کسان طالبانو ازاد کړي دي.

طالبانو لا تر دې دمه په دې اړه رسما څه نه دي ویلي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x