شعـــــرونه

غزل – سعادت کلیوال

سعادت کلیوال
مرګ به دې ګیر کړي که څو وکړې له اجله منډه
ناځوانه هسې دې اختیار کړه له مورچله منډه

د بدو لارو لارویه انتهاء ته ځیر شه
دنیا فاني ده کړه مختاره نیک عمله منډه
ځوانانو پریښوده دنیا د خپلواکۍ غزا ته
عاشقان هم توره په لاس کړي له اوربله منډه
عبرت يې وانخیست له درسه د عمر یاغي شو
د وخت منصوره کړه وریاده هغه بله منډه
دلته تیارې دي حاکمانې د تورتم بهیر دی
دلته له ویرې د زاغانو کړي بلبله منډه
د سعادت ژوندون تیریږی له یو داسې ناورین
کله له ښاره کړي او کله له ځنګله منډه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x