افغانستانروغتیا

افغانستان کې اته سلنه وګړي د شکر ناروغي لري

نن ټکی اسیا (شنبه، لړم ۲۳مه، ۱۳۹۴ل): د عامې روغتيا وزارت وايي چې په ټول هېواد کې اته سلنه وګړي د شکر ناروغي لري.

نن د لړم درویشتمه د شکر له نړيوالې ورځې سره سمون خوري، چې پر دې ناروغۍ اخته کسان ډېری په وروسته پاتې سیمو کې اوسېږي.

د همدې ورځې په مناسبت د افغانستان د عامې روغتیا مسوولین وايي چې د دوی د څېړنو له مخې په ټول هېواد کې اته سلنه وګړي پر دې ناروغۍ اخته دي.

ویل کېږي د نړۍ په سطحه ښايی راتلونکو دوو لسیزو کې د دې ناروغۍ سلنه نوره هم لوړه شي، چې دم ګړۍ يې ۷۰ سلنه په وروسته پاتې ټولنو کې ثبت شوې ده.

ځينې روغتيايي څارونکي د عامې روغتيا وزارت له لوري د شکر نارغۍ په اړه د دوی بې پروايي غندي او وايي چې د پام وړ پام ورته نه دی شوی.

کابل مېشتی ډاکټر وحید احد رسنیو ته وویل چې تر اوسه په افغانستان کې د شکر ناروغۍ بشپړه څېړنه نه ده شوې، خو په وينا يې یوازې په پلازمېنه کابل کې يې د ګوتو شمېر روغتيايي مرکزونه شته.

هغه وايي چې په نورو ولایتونو کې د دې ناروغۍ د درملنې ځانګړي روغتيايي مرکزونه نشته او په کابل کې هم یوازې پنځه – شپږ روغتيايي مرکزونه دي چې کافي نه ګڼل کېږي.

ویل کېږي نن په پلازمېنه کابل او ځینو ولایتونو کې د دې ورځې په مناسبت غونډې کېږي، چې پکې به د شکر ناروغۍ د تشخيص، مخنیوي او درملنې لارې چارې هم بیان شي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x