دیني، سیرت او تاریخ

سل تحفې (۲) – دسورت یاسین او تبارک الذي فضایل

جمع کونکی: صابر (غزنوي)

د سورة يسين او تبرک الذي فضايل

(عَنْ مَعْقِلِ بْنِ يَسَارٍ قَالَ قَالَ النَّبِيُّ صَلَّى اللَّهُ عَلَيْهِ وَسَلَّمَ اقْرَءُوا يس عَلَى مَوْتَاكُمْ) (ابوداود).

ژباړه : له معقل ابن يسار رضي الله عنه څخه روایت دی چې پیغمبر صلی الله علیه وسلم فرمایلي : سورت یاسین په خپلو مړو تلاوت کوئ، مطلب کوم مریض چې مړ کيږي په حالت د مرګ کې سورت یاسین ورباندې وایاست، خو په دې حالت کې یې په زوره تلاوت په کار ندی، چې په دې حال کې هغه ته د تکلیف باعث نشي، او که په قبر تلاوت شي هم د ځینو علماو په نظر صاحب د قبر ته یې ثواب ور رسیږي.

(عَنْ أَنَسٍ قَالَ قَالَ النَّبِيُّ صَلَّى اللَّهُ عَلَيْهِ وَسَلَّمَ إِنَّ لِكُلِّ شَيْءٍ قَلْبًا وَقَلْبُ الْقُرْآنِ يس وَمَنْ قَرَأَ يس كَتَبَ اللَّهُ لَهُ بِقِرَاءَتِهَا قِرَاءَةَ الْقُرْآنِ عَشْرَ مَرَّاتٍ) (الترمذي).

ژباړه : له انس رضي الله عنه څخه روایت دی چې پیغمبر صلی الله علیه وسلم فرمایلي : هر شی زړه لري او زړه د قرآن سورت یاسین دی، او څوک چې سورت یاسین تلاوت کړي الله تعالی به د سورت یاسین د تلاوت په سبب لس واره د ټول قرآن عظیم الشان د ختم ثواب ورته ولیکي (مطلب الله تعالی به دومره ثواب ورکړي لکه بغیر سورت یاسین چې یې قرآن عظیم الشان لس واره ختم کړی وي).
(عن معقل بن يسار المزني، أن النبي صلى الله عليه وسلم قال: «من قرأ يس ابتغاء وجه الله عز و جل غفر له ما تقدم من ذنبه فاقرءوها عند موتاكم) (بيهقي).

ژباړه : له معقل ابن يسار رضي الله عنه څخه روایت دی چې پیغمبر e وفرمایل : څوک چې سورت یاسین د الله تعالی د رضا لپاره تلاوت کړي هغه ته به ټول مخکني ګناهونه ور وبخښل شي، نو سورت یاسین په خپلو مړو تلاوت کوئ.

(عَنْ عَطَاءِ بْنِ أَبِى رَبَاحٍ قَالَ بَلَغَنِى أَنَّ رَسُولَ اللَّهِ صلى الله عليه وسلم  قَالَ: مَنْ قَرَأَ يس فِى صَدْرِ النَّهَارِ قُضِيَتْ حَوَائِجُهُ) (دارمي)

ژباړه : له عطاء بن ابې رباح رحمه الله تعالی څخه روایت دی ما ته دا خبره را رسیدلي چې پیغمبر صلی الله علیه وسلم فرمایلي : څوک چې سورت یاسین د ورځې په سر کې تلاوت کړي ټول حاجتونه به یې پوره کړل شي.

(عَنْ أَبِى هُرَيْرَةَ قَالَ: قَالَ رَسُولُ اللَّهِ صلى الله عليه وسلم: «إِنَّ اللَّهَ تَبَارَكَ وَ تَعَالَى قَرَأَ طه وَ يس قَبْلَ أَنْ يَخْلُقَ السَّمَوَاتِ وَالأَرْضَ بِأَلْفِ عَامٍ، فَلَمَّا سَمِعتِ الْمَلاَئِكَةُ الْقُرْآنَ قَالَتْ: طُوبَى لأُمَّةٍ يَنْزِلُ هَذَا عَلَيْهَا، وَ طُوبَى لأَجْوَافٍ تَحْمِلُ هَذَا، وَ طُوبَى لأَلْسِنَةٍ تَتَكَلَّمُ بِهَذَا) (دارمي).

ژباړه : له ابو هریره رضي الله عنه څخه روایت دی هغه وایي : پیغمبر صلی الله علیه وسلم فرمایلي : یقینا الله تعالی د زمکې او آسمانونو له پیداکیدلو زر کاله مخکې سورت طه او سورت یاسین تلاوت کړل کله چې ملکو قرآن عظیم الشان واوریدلو وې ویل : خوشحالي او ښه حالت دې وي هغه امت ته چې دا قرآن به په هغو نازلیږي، او ښه حالت دې وي هغو سینو ته چې دا قرآن یادوي، خوښي او ښه حالت دې وي هغو ژبو ته چې دا قرآن تلاوت کوي.

(عَنْ جَابِرٍ أَنَّ النَّبِيَّ صَلَّى اللَّهُ عَلَيْهِ وَسَلَّمَ كَانَ لَا يَنَامُ حَتَّى يَقْرَأَ الم تَنْزِيلُ وَتَبَارَكَ الَّذِي بِيَدِهِ الْمُلْكُ) (الترمذي).

ژباړه : له جابر رضي الله عنه څخه روایت دی چې پیغمبر e به تر هغه نه ویده کیدو چې سورت الم السجده او سورت ملک (تبارک الذي) به یې نه وو تلاوت کړي، علماء وایي : دا مطلب نده چې خاص د خوب په وخت کې به یې تلاوت کول بلکه چې تر لمر لویدو وروسته او له خوب مخکې تلاوت شي که هر وخت وي سنت ادء کیږي.

(عَنْ ابْنِ عَبَّاسٍ قَالَ ضَرَبَ بَعْضُ أَصْحَابِ النَّبِيِّ صَلَّى اللَّهُ عَلَيْهِ وَسَلَّمَ خِبَاءَهُ عَلَى قَبْرٍ وَ هُوَ لَا يَحْسِبُ أَنَّهُ قَبْرٌ فَإِذَا فِيهِ إِنْسَانٌ يَقْرَأُ سُورَةَ تَبَارَكَ الَّذِي بِيَدِهِ الْمُلْكُ حَتَّى خَتَمَهَا فَأَتَى النَّبِيَّ صَلَّى اللَّهُ عَلَيْهِ وَسَلَّمَ فَقَالَ يَا رَسُولَ اللَّهِ إِنِّي ضَرَبْتُ خِبَائِي عَلَى قَبْرٍ وَأَنَا لَا أَحْسِبُ أَنَّهُ قَبْرٌ فَإِذَا فِيهِ إِنْسَانٌ يَقْرَأُ سُورَةَ تَبَارَكَ الْمُلْكِ حَتَّى خَتَمَهَا فَقَالَ رَسُولُ اللهِ صَلَّى اللَّهُ عَلَيْهِ وَ سَلَّمَ هِيَ الْمَانِعَةُ هِيَ الْمُنْجِيَةُ تُنْجِيهِ مِنْ عَذَابِ الْقَبْرِ) (الترمذي).

ژباړه : له عبدالله ابن عباس رضي الله عنه څخه روایت دی هغه وایي : د پیغمبر صلی الله علیه وسلم یو صحابي په یو قبر خپله خیمه ودروله او ده  ګمان نه کول چې دلته به قبر وي نو په هغه کې یو انسان وو سورت تبارک الذي یې تلاوت کول تر څو چې یې ختم کړو، بیا دا سړی پیغمبر صلی الله علیه وسلم ته راغی او ورته وې ویل : ما په یو قبر خپله خیمه ودروله او دا  ګمان مې نه کول چې دلته به قبر وي نو په هغه کې یو انسان وو سورت تبارک الذي یې تلاوت کول تر څو چې یې ختم کړو، پیغمبر صلی الله علیه وسلم وفرمایل : دا سورت تبارک الذي منع کوونکی دی او دا سورت نجات ورکونکی دی (د الله تعالی په حکم) انسان ته د قبر له عذاب څخه نجات ورکوي.

(عَنْ أَبِي هُرَيْرَةَ عَنْ النَّبِيِّ صَلَّى اللَّهُ عَلَيْهِ وَ سَلَّمَ قَالَ: إِنَّ سُورَةً مِنْ الْقُرْآنِ ثَلَاثُونَ آيَةً شَفَعَتْ لِرَجُلٍ حَتَّى غُفِرَ لَهُ وَ هِيَ سُورَةُ تَبَارَكَ الَّذِي بِيَدِهِ الْمُلْكُ) (الترمذي).

ژباړه : له ابو هريره رضي الله عنه څخه روایت دی چې پیغمبر e وفرمایل : یقینا یو سورت چې دیرش آیتونه دی د یو سړي په حق کې تر هغه وخته (الله تعالی ته) شفاعت کول چې وبخښل شو چې هغه سورت تبارک الذي دی.

ورته لیکنې

ګډون وکړئ
خبرتیا غوښتل د
guest
4 Comments
زړو
نویو ډیرو خوښو شویو
Inline Feedbacks
ټولې تبصرې کتل
اسدالله حقيار

الله ج. دي. له تاسو. راضي شي. ستر خدمت مو. دي. زوريدلي. امت ته كري

عبدالولی

تاسی لږ غوندی بیسواده ښکاری. تبارک الذی یعنی څه؟ ددې مبارکی سورې نوم ملک دی.
بل داچه زه هغه احادیث اصلاً نه منم کوم چه راوی ئې ابوسفیان او معاویه او ابو هریره وی.

اسدالله

محترمه.
ته. ولي. د. دو. اصحابانو. احاديث. نمه ني. كه. لگ. معلومات راكري
په كوم. دليل

جمال

غزنوی صاحب سلامونه او نیکی هیلی مو ومنی ! له بیغمبرانو غیره نور څوک معصومیت نه لری الله ج فرمایی انسان په خسران کی دی کله به املایی او کله به ادبی غلطی کوی او کله به کومه غلطی هم نه لری مګر غلطو او فتنه ګرو خلکو ته د ښو خلکو ښه هم بد وی . الله ج فرمایی تاسی تر هغی د چا بد مه وایاست چه بد مو تری لیدلی نه وی. دا چه د تبارک الذی نوم الملک دی اهل تشیع عبدالولی وایی چه تبارک الذی یی نوم نه دی ( ملک ) یی نوم دی… نور لوستل »

Back to top button
4
0
Would love your thoughts, please comment.x
()
x