خبرتیاوی او پیغامونه

(مېخونه) چاپ شو!

دا د ځوان ، مفکر، ليکوال او شاعر داد محمدناوک د لنډو کيسو ټولګه ده، چې له سريزې او خبرو پرته په اوياوو(٧٠) مخونوکې چاپ شوى دى؛ پردې کتاب ځوان شاعر نقيب احمد عزيزي په څلورو مخونوکې د (د ناوک لنډې کيسې او زموږ او ږدې تلوسې) تر سرليک لاندې خبرې کړې دي، ورپسې د ښاغلي ناوک خپلې خبرې( ماوېل…) تر سرليک لاندې په دوو مخونوکې وړاندې شوې دي.

په دې کتاب کې چې د ښاغلي ناوک درېيم اثر دى، شپاړلس کيسې راغلي دي:

1. د فاتحې اعلان
2. اتڼ
3. په نيمه شپه غږونه
4. تروريست
5. سرۀ
6. ډالر
7. شپون
8. غړي
9. ازموينه

10. مکتبۍ
11. واده
12. مېخونه
13. په واوره کې خېمه
14. زنګاوات
15. د ماښام ډوډۍ
16. د زړه قوت

چې وروستۍ دوه کيسې يې د فارسي ليکوالې زري نعيمې را ژباړلې دي.

د دغه کتاب د چاپ لګښت اشرف غيرت په غاړه اخېستى، او په زرو ټوکو ګودر خپرندوى ټولنې چا پ کړى، چې نا قانانونه يې پرې دوه زره ټوکه ليکلي دي، د کتاب کمپوز خپله ليکوال کړى، او ډيزاين صادق کړى دى.. 

ښاغلى ناوک د ځوان کهول هغه بااستعداده ليکوال دى، چې په کم عمريې ډېرڅه کړي دي، دنوموړي دوه اثره(مکتبۍ، د لنډې کيسې کرکټر) وړاندې چاپ شوي دي، جالب کتاب (اروا) يې د چاپ لارې څارې، (د ماښام ستوري، ګډ کار) يې په نږدې کې له چاپه راوځي، اوس له نورو بوختياوو سره_سره د يو ښايسته کتاب (قران و روانشناسي) په ژباړه بوخت دى، چې نږدې درېيمه برخه کاريې پکې کړى دى.

داد محمدناوک د پکتيکا ولايت اوسېدونکى دى، چې دم ګړۍ د ننګرهار پوهنتون د پښتوادبياتو د څلورم ټولګى محصل دى.

عيسى محمد زواکېوال

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x