نظــر

د ملا عبدالسلام ضعيف کتاب له ۵ نړۍ بدلوونکو کتابونو څخه ونومول شو

سباوون سعيد، کابل
نومبر ۲۲، ۲۰۱۵

د اکسفورډ پوهنتون سره د تړلي خپرنخونې، Oxford University Press (OUP)، پنځه هغه کتابونه نومولې چې وايي نړۍ ته يې تغيير ورکړ. د ۲۰۱۵ کال د پوهنتون د انتشاراتو اوونۍ او د اکاډميک کتاب اوونۍ په مناسبت، د اکسفورډ پوهنتون خپرنخونې د روان کال په نومبر کې د هرسټ خپروونکو Hurst Publishers له لورې د پنځه تر ټولو اغېزبښونکو کتابونو نوملړ خپور کړ. دا هغه کتابونه دي چې د OUP په ارزونه يې د نړۍ په معاصرو تاريخي پېښو تر ټولو ډېر اغېز ښندلی، او يا د همدومره اغېز د ښندلو وړتيا لري. هرسټ خپروونکي په لندن کې مېشت مشهور کتاب خپرنځی دی چې د اسلامي نړۍ او منځني ختیځ اړوند موضوعاتو په اړه علمي کتابونه خپروي. دا خپرنځی د OUP پارټنر دی. له همدې لامله يې د هرسټ څخه د خپرو شويو کتابونو له منځه د پنځه نړۍ بدلوونکو کتابونو ارزونه په غاړه اخيستې ده.

د هغه راپور له مخې چې د اکسفورډ پوهنتون پريس OUP لخوا خپور شوی، د ملا عبد السلام ضعيف کتاب ((له طالبانو سره زما ژوند)) يو له دغو پنځو نړۍ بدلوونکو کتابونو څخه دی. دا کتاب په انګرېزي کې د My Life with the Taliban تر عنوان لاندې د لومړي ځل لپاره په ۲۰۱۰ کې د هرسټ خپروونکو لخوا چاپ شو.

راپور ليکي چې د ملا عبد السلام ضعيف کتاب د طالبانو د تحريک په اړه يو کمېساری اثر دی، چې د دې غورځنګ د افکارو په اړه ارزښمن معلومات وړاندې کوي. راپور زياتوی چې د دې کتاب له برکته د نړۍ پاليسي جوړوونکو او اکاډميک څېړونکو لپاره ښايي د لومړي ځل لپاره دا روښانه شوه چې طالب مشرانو که څومره د اسلامپالنې انګېزه درلوده، هغومره يې د وطنپالنې انګېزه هم د فکر بنسټيزه برخه وه.

بشپړ راپور دلته لوستلی شئ.

http://blog.oup.com/2015/11/hurst-publishers-5-academic-books-that-changed-the-world/#sthash.pc9h8mGj.dpuf

د يادونې وړ ده چې دا لومړی ځل دی چې د يو افغان له لورې ليکل شوی کتاب په لویدیځ کې په دې کچه د سپارښت شويو کتابونو په نوملړ کې راځي. مخکې هم البته د فيکشن يا تخيل په بنا لیکل شويو کتابونو د شهرت نړيوالو ليستونو ته لاره موندلې وه، خو د جدي او سياسي اثارو په لړ کې، دا لومړی ځل دی چې د اکسفورډ يونيورسيټي پرس په څېر د يو معتبرې اکاډميکې مرجع لخوا د يو کتاب هومره لوړه ستاينه کېږي.

ملا عبد السلام ضعيف له دې کتاب سربيره دوه نور کتابونه، د ګوانتنامو انځور او  د بنسټیزوستونزو حل لارې ، خپاره کړي دي. او لږ تر لږه يو بل کتاب يې خپراوي ته نژدې دی.

دا هم د يادونې وړ ده چې په افغانستان کې ښايي لاهم اکثره خلک ((له طالبانو سره زما ژوند)) کتاب څخه خبر نه وي. دا کتاب د نړۍ په مختلفو پنځلس ژبو هم ژباړل شوی دی، او په څېړنيزو مرکزونو او بهرنيو پوهنتونو کې د افغانستان او طالبانو د پېژندنې په برخه کې ترې د يو کره سرچينې په توګه استفاده کېږي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
محمدربی آماج

یاره د پښتو متن او انګلیسی متن بریښنایی اړیکه یی نشته! مخکینۍ د ګوانتانامو انځور کتاب یی ما درلود او لوستلۍ می وو،په هغی کی د امریکایانو د بربریت ډیری کیسی وی، او هم دپاکستان د آي اس آی نامردی او بیغیرتی چی له ملاضعیف او له نورو ورته طالبانو سره کړی وی او هغوی یی لوڅ لپړ په امریکایانو پلورلی وو ، او همدا راز په هماغه کتاب کی د قاسم حلیمی اړوند کیسی هم کړی وی. دیادولو وړ ده چی چی قاسم حلیمی بیا وروسته دستری محکی اداری رییس شو او اوس بیا هم فعال دۍ. مګر اصلی… نور لوستل »

Back to top button
1
0
Would love your thoughts, please comment.x
()
x