افغانستان

پروان: طالب ځواکونو کوه ساپي کې بې پیلوټه الوتکه نسکوره کړې

نن ټکی اسیا (چهارشنبه، لېندۍ ۴مه، ۱۳۹۴ل): طالبان وايي چې تېره شپه يې د پروان ولایت په کوه ساپي ولسوالۍ کې یوه امريکايي کشفي الوتکه نسکوره کړې ده.

د طالبانو وياند ذبیح الله مجاهد پخپله ټویټر پانه لیکي چې د دوی ځواکونو تېره شپه د کوه ساپي په احمدزیو کلي کې دغه الوتکه په نښه او را نسکوره کړه.

د پروان ولایت د کوه ساپي ولسوال سیف الله بیدار هم وايي چې د بهرنیو ځواکونو یوه کشفي الوتکه تېره شپه د دې ولسوالۍ په مربوطاتو کې نسکوره شوې ده.

بیدار وايي چې دغه الوتکه چې په سیمه کې يې کشفي فعالیت کاوه « ناڅاپه » په یوه شاړه ځمکه کې را غورځاره شوه.

په کابل کې د مېشتو بهرنیانو مطبوعاتي څانګې تر اوسه په دې اړه رسنيو ته څه نه دي ويلي.

دا په داسې حال کې دی چې تېره ورځ هم طالب ځواکونو د فارياب په پښتونکوټ کې یوه پوځي چورلکه په نښه کړه، چې درې تنه يې پکې ووژل او د دوو بهرنیانو په ګډون يې ۱۵ تنه نور ژوندي ونيول.

د دفاع وزارت چارواکي وايي چې د دې کسانو د موندنې او خلاصون په موخه يې عملیات پیل کړي دي.

ټاګونه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x
Close
Close