افغانستان

روزګان: د خاص روزګان پخوانی ولسوال پر دار شوی

نن ټکی اسیا (شنبه، لېندۍ ۷مه، ۱۳۹۴ل): د روزګان امنیتي مسوولین وايي چې د خاص روزګان ولسوالۍ پخوانی ولسوال پخپل کلي کې پر ونه را ځړول شوی دی.

د خاص روزګان اوسنی ولسوال عبدالکریم وايي چې پخوانی ولسوال جمعه خان تېره شپه د طالب ځواکونو له لوري په دار ځړول شوی دی.

د روزګان ولایت امنیتي مسوولین هم د پېښې پخلی کوي او وايي چې طالب ځواکونو تېره شپه د جمعه خان پر کور چاپه وهلې او هغه يې له کوره لرې په ونه کې راځړولی دی.

د امنیه قومندانۍ ویاند نور اغا کامران وايي چې له پېښې نه د سیمې اوسېدونکو د دوی پولیس خبر کړي خو په وينا يې د ولسوال وژونکي تښتېدلي دي.

طالبانو تر اوسه د خاص روزګان د پخواني ولسوال د وژل کېدو په اړه تر اوسه څه نه دي ويلي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x