افغانستان

د افغانستان په لویدیځه کي دوه امریکایان وژل شوي دي

نن ټکی آسیا: د افغانستان په لویدیځه کي دوه تنه امریکايي عسکر د سړک د غاړي په یوه چاودنه کي وژل شوي دي.

که څه هم ایساف رسنیو ته په یوه لیږل شوې خبرپاڼه کي ویلي وايي چي په هغه چاودنه کي چي نن د جمعې په ورځ د افغانستان په لویدیځه برخه کي را منځته شول، په کښي یو تن عسکر ووژل شو، او د نورو تفصیلاتو ورکولو څخه یې ډډه کړې، خو د پریس نیوز تلویزوني چینل د راپور سره سم په دغه چاودنه کي یو تن امریکايي عسکر نه، بلکي دوه تنه عسکر وژل شوي دي.

طالبانو تر اوسه د لویدیځ څخه د چاودني کوم راپور نه دی ورکړی، خو ویلي چي نن ورځ دكندهار او هلمند ولايت تر منځ  د کمپرک په سیمه کي د بهرنیو ځواکونو پر یوه زغروال موټر ماین چاودېدلی، چی له کبله یې پنځه تنه بهرني عسکر وژل شوی دي.

د یادوني وړ ده چي تیره ورځ طالبانو په خپل یوه خبرپاڼه کي د هغه امریکایانو چارواکو له خوا د افغانستان څخه د خپل ټولو عسکرو پر ایستلو د غور کولو هرکلی کړو، او ویلي چي هم د افغانستان او هم د امریکا لپاره دا غوره ده چي امریکایان نور د افغانستان څخه خپل فوځ وباسي.

او زیاته کړې وه چي د افغانستان اوسني حکومت به هیڅ کله ونه غواړي چي امریکایان د افغانستان څخه ووزي، ځکه چي دوی غواړي چي د امریکایانو په پناه کي خپل حکومت او مناسب وژغوري.

باید وویل چي دوه ورځي وړاندي د پارلمان غړو ویلي وه چي د امریکایانو د وتلو وروسته به په افغانستان کي کورنی جګړه شروع شي، او امنیتي وضعه به ډیره خرابه سي.

 

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x