په هندوستان کې مسلمان ډیر قدر لري که غوا؟

نن ټکی اسیا (چهارشنبه، لېندۍ ۱۱مه، ۱۳۹۴ل): د هندوستان په پارلمان (لوک سوبها) کې د کانګریس ګوند غړي شاشي تاړړ تیره ورځ په خپله وینا کې وویل، په هیواد کې د مسلمانانو په وړاندي تاوتریخوالی تر حد زیات شوی.

نوموړي وویل، «په هندوستان کې یوه غوا تر یوه مسلمان ډیره محفوظه ده».

نوموړي وویل، د نریندرا مودي اوسنۍ پالیسي هیواد د مذهبي تاوتریخوالي لوري ته بیايي، هندوستان د هر مذهب او هر نسل انسانانو لپاره جوړ شوی، حکومت باید په هیواد کې د هر انسان ژوند خوندي کړي.

شاشي تاړړ

شاشي تاړړ

نوموړي وویل چې په هیواد کې دننه د مسلمانانو سره ناروا چلند د هندوستان پر اقتصاد هم بد اغیز کوي.

تاړړ زیاته کړه، یوازي دی دا تور نه لګوي، بلکي د نړۍ مطبوعات هم پر دې خبره کوي، هر ځای داسی ویل کیږي چې هندوستان د مذهبي تاوتریخوالي په لور روان دی.

نوموړي وویل، تیره میاشت د افریقا یو پلاوی هندوستان ته راغلی وو، عین په هغه وخت په کیرالا کې د یوه مسلمان په کور امنیتي ځواکونو یرغل وکړ، «دوی به په هیواد کې د مذهبي تاوتریخوالي او عدم برداشت په اړه له ځانه سره څه فکر کړی وي؟».

تاړړ وویل چې د هندوستان لومړي وزیر نریندرا مودي د خپل انتخاباتو په شپو کې وعده کړې وه چې دی به د یو زعیم په حیث د هیواد چاري پر مخ بیايي، خو خپلي وعدې یې هیري کړي، یو زعیم باید د هر نسل، مذهب او رنګ هیوادوالو لپاره یو قسم چلند ولري، خو مودي داسي نه کوي.

باید وویل شي، له هغه وروسته چې په هندوستان کې د نریندا مودي په مشري هندو مذهبه سخت دریځ ګوند واک ته رسیدلی، د مسلمانانو په وړاندي د تاوتریخوالي پيښي زیاتي شوي او هندوستان د یو سیکولر هیواد څخه د مذهبي هیواد په لور روان دی.

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
Gul
میلمه
Gul

ددپوشتنى ضرورت حًه ده چى مسلمان له غوايي سره برابروى يا له غوايي تيت شى ؟ حًما په نظر داد اي ايس اي لپاره لا شعوري تبلغات دى.