افغانستان

حامد کرزي د سید اباد پېښه وغندله

نن ټکی اسیا (یکشنبه، لېندۍ ۱۵مه، ۱۳۹۴ل): پخواني ولسمشر حامد کرزي هم په ميدان وردګو ولایت کې د جمعې د ورځې خونړۍ پېښه وغندله.

د حامد کرزي له دفتره په خپره شوې خبرپاڼه کې راغلي چې د ملکي وګړو وژنه « د ټولو انساني او اسلامي اصولو خلاف عمل دی. »

د تېرې جمعې ـ لېندۍ ۱۳مه ـ په ورځ د ملي اردو عسکرو د سید اباد په اوتړیو کلي کې د اتو ماشومانو په ګډون ۱۲ تنه ولسي وګړي ووژل شول.

د ارد عسکرو په اوتړیو کې پر مسجد توغندیز بريد وکړ او یاد شمېر ولسي وګړي يې ځای پر ځای ووژل.

حامد کرزي د وژل شویو له کورنیو سره په غم کې ځان شريک بولي او شهيدانو ته يې د جنت غوښتنه کړې ده.

یاده دې وي د ګډ حکومت مشر محمد اشرف غني هم د خبرپاڼې په خپرولو سره د اعلی سرقومندان په توګه د ۱۲ تنو پر وژل کېدو خواشيني ښوودلې.

په ورته وخت کې د طالبانو مشر ملا اختر محمد منصور دغه پېښه غندلي او طالب ځواکونو يې بیا د غچ ژمنه کړې ده.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x