دبڼو غشي

خدايګو لېوني د بڼو غشي دي

بيايې عقابي سترګې خمارې دي

پورې وورې ځي د بڼو غشي دي

ټيټ دې کړه باڼه نور يې تاب نه لرم

ستا خو د مرګي د بڼو غشي دي

ماته يې زما د سينې زغره کړه

ووري د لا لي د بڼو غشي دي

هر وخت د غرور په نيلي سپور ګرځي

ما چې ځوروي د بڼو غشي دي

ډرون حملې پرما باندې اثر نکړي

سم کروز توغندي د بڼو غشي دي

کله يې چې چاته مخامخ کاندي

اور پرې بلوي د بڼو غشي دي

نور يې ( عرفاني ) له کاره ويستی دی

څومره توفاني د بڼو غشي دي