نړۍ

د سوریې جګړه پراخیږي

د سوریې  ۲۳ میاشتنی جنګ  تیره ورځ یوه  بل پړاو  ته داخل شو، داسرائیلو جنګي الوتکو  دسوریي فضایي حریم مات کړ او ددې ملک دننه یي  اهداف په نښه کړل  ، تراوسه دقیقا معلومه نه ده چې اسرئیلو  په څه شی بمبار کړی ، اسرائیل وایي  هغه پوځي کتار یي په نښه کړی چې په لبنان کې یي حزب الله ډلې ته  توغندي رسول ، خو سوري چارواکي وایي  اسرائیلو دپوځي  څیړنو یو مرکز په نښه کړی دی .

په سوریه داسرائیلو دبرید په  اړه روسیې ، لبنان او حزب الله خورا جدي غبرګون وښود او دایي یو مستقیم یرغل اود بین المللي قوانینو سرغړونه وبلله ، امریکایي  چارواکو یوازې  دومره وویل چې دبرید نه مخکې اطلاع ورکړل شوې وه ، خو دبرید په اړه یي ډیر څه ونه ویل ، ایران چې په سوریه داسرائیلو برید یي پخوا په ایران برید بللی وو ، تراوسه چوپ پاته دی ، څيړونکي وایي ښایي  ایران او سوریه له اسرائیلو سره په مخامخ ډول چلند ونه کړي بلکې  له حزب الله سره دوسلو په مرسته  به اسرائیلو ته ځواب ووایي .

په هرصورت دتیرې ورځې برید یو پيل بلل کیږي ، او داسې معلومیږي چې دسوریې جګړه  نور نوي ابعاد خپلوي او د لاپراخیدو امکان یي لرې نه بریښي .

دوروستیوشمیرو  له مخې دسوریې په جګړه کې تراوسه ۶۰ زره  کسان وژل شوي او لکونو نور بې کوره شوي دي ، سوریه عملا دروس او امریکا ترمنځ دکشمکش په ډګر اوښتې ، تراوسه دقیقا نه شي ویل کیدای چې ددې بحران پای به څه وي .

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x