افغانستان

د عامې روغتیا وزارت لپاره د ځانګړې شوې بوديجې ۷۰سلنه ورکه ده

نن ټکی اسیا (یکشنبه، لېندۍ ۲۲مه، ۱۳۹۴ل): د عامې روغتيا وزارت مسوولین وايي چې د مالي کال په پای ته رسېدو سره لا هم د دې وزارت لپاره د ځانګړې شوې بودېجې څخه ۷۰ سلنه بودېجه نه ده ورکړل شوې.
 
د عامې روغتیا وزارت وزیر فيروز الدین فیروز په پلازمېنه کابل کې د ماشومانو لپاره د یو دوه سوه بستریز روغتون د پرانیستې په مراسمو کې وکړې.
 
فیروز وویل چې که څه هم د مالي کال وروستی وخت دی، خو دوی ته د ور ځانګړې شوې بودېجې څخه یوازې دېرش سلنه بودېجه ورکړل شوې ده، چې ګڼې ستونزې يې په وړاندې لا هم بې حله پاتې دي.
 
د ګډ حکومت دواړو مسوولینو د ټاکنیزو ناندریو په وخت کې ژمنې کړې وې، چې افغانان به نورو هېوادونو ته د درملنې پر ځای پخپل هېواد کې د درملنې بشپړ امکانات ولري.
 
ياده دې وي د عامې روغتیا وزارت په داسې حال کې د ۷۰ سلنې بودېجې د نه ورکړې شکایت کوي، چې نور مالي کال پای ته په رسېدو دی او دا نه ده څرګنده چې دا ۷۰ سلنه ځانګړې شوې بودېجه چېرته لګېدلې ده.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x