نادري ناولده

اکسفورډ تر انشټاين هوښیارې نجلۍ ته د زده کړې زمينه برابروي

نن ټکی اسیا (دوشنبه، لېندۍ ۲۳مه، ۱۳۹۴ل): د اکسفورډ پوهنتون ادارې هغې نجلۍ ته د زده کړې بلنه ورکړې چې تر انشټاين هم هوښياره ده.

د سیګان اوسېدونکې ۱۳ کلنه نیکول بار د ځيرکۍ په ازموینه کې ۱۶۲ نمبرې وړې دي، چې په دې توګه تر البرټ انشټاين هم ځيرکه ګڼل شوې ده.

د نیکول بار د هوښيارۍ ضريب « IQ» د دې لوړو نمبرو په خاطر د اکسفورډ ادارې له هغې نه غوښتنه کړې چې په دې پوهنتون کې دې خپلو زده کړو ته دوام ورکړي.

له بريتانيا خپرېدونکي ډيلی ميل وايي چې د بار کورنۍ یوه کوچي کورنۍ ده، چې په یو ځای ژوند نه کوي او پخپله نيکول بار هم ډېر وخت په ښوونځي کې غير حاضره وي.

د نیکول بار مور وايي چې لور يې په دوه کلنۍ کې د ریاضي ساده سوالونه حل کولی شوای او په لس کلنۍ کې يې هغه ریاضيکي مسئلې حل کولي چې د لوړو ټولګیو زده کوونکي به يې پر وړاندې بې وسه و.

د نیکول بار پلار وايي چې دی ډېری وخت په مزدورۍ کې ورک وي، خو لور يې د ځيرکۍ ازموينې ته تياره کړه او معلومه شوه چې لور يې ان تر مشهور فزيکپوه البرټ انشټاين هم ډېره ځيرکه ده.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x