شعـــــرونه

“د زړه منګی”

فکرمل طالب-

لا می وجود کی شته اثر د شونډو
بېګا مې څښلی ده کوثر دشونډو

دزړۀ منګی مې پرې تازه وي مدام
خدای دې آباد لري ګودر د شونډو

مبارکۍ کـــــې ئې راولېږه بــیا
یاره که وۀ دې کړ اختر د شونــډو

د یو پیمخي یارغوښتنه ده بــــس
نه یم لیکوال نوښتګر د شونـــډو

دزنکدن تریخوالی نه حِسْ کـــوي
چه چا په څښلی وي شکرد شونډو

دزړۀ سکروټې شي سړې ورباندې
که نوش دې جام کړلو په سر د شونډو

لائې څښم تنده مې نه ماتـــــــیږي
“فکرمل”تږی يم اکثر د شونـــــډو

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x