طنــزونه

په امریکايي مکتب کې

یو زده کوونکی نوی ټولګي ته راغی ، دا زده کوونکی دیوه جاپا ني تاجر زوی و او سوزوکي نومیدی ، استاد چې ټوولګي ته راننوت ویې ویل : نن له امریکايي تاریخ نه خبرې کوو او په پیل کې له تاسو نه څو پوښتنې لرم :

دا خبره چا کړې ده : یا ازادي را کړه او یا مرګ ؟
په ټولګي کې ټول زده کوونکي چوپ ناست دي یواځي سوزوکي لاس اوچت کړی دی ،او ویې ویل : داخبره بیتریک هنري کړې ده ، په 1775کې .

ښوونکي وویل : ډیر ښه !
ښوونکي بیا وویل : دخلکو حکومت په خلکو باندي
د خلکو له پاره به په دې ځمکه کې تل روان وي
بیا چا ځواب ورنکړ سوزوکي وویل : ابراهام لنکن 1863.

ښوونکي نور ټولګیوال سپک کړل او ورته کړه یې : وشرمیږﺉ سوزوکي دې هیواد ته نوی راغلی دی او تاسو د دې هیواد اوسیدونکي یﺉ اوځوابونه هغه وایې تاسو چوپ یﺉ ؟!!

په دې وخت کې په ټولګي کې دیوچا له خولې ووتل : په جاپانیانو دي لعنت وي . ښوونکي په لوړ اواز غږ وکړ : دا خبره چا وکړه ؟ سوزوکي لاس پورته کړ او ویې ویل :
لي ایو کوکا 1982.

د سوزوکي شاته یوه شاګرد وویل : نږدې ده چې قی وکړم . ښوونکي وویل : داسپکه خبره چا وکړه ؟ سوزوکي وویل : داخبره جورج بوش په کال 1991م کې دجاپان لومړې وزیر ته کړې وه .
دشا له خوا یو امریکايي هلک راپورته شو او په ډیر قهر یې وویل : باور وکړه ستا غاښونه به درمات کړم ! سوزوکي پورته شو لاس یې ښوراوه او ویې ویل : داخبره بیل کلینټن په کال 1997م کې مونیکا لوینسکي ته کړې وه . په دي وخت کې ټول شاکردان راپورته شول او یوه یې وویل : ای سپکه انسانه ! که بله خبر دي وکړه وژنم دي ، سوزوکي وویل : داخبر جاري کونډت په کال 2001 م کې شاندرا لیوي ته کړې وه .

د ټولګي ټول امریکایان شاګردان حیران او وازې خولې پاته شول …!! یو څو یې وویل : اوووه زموږ له بده مرغه په عجیبه جنجال واوښتو !!!

سوزوکي ورته وویل : داخبره په کال 2011 م کې
امریکایي جنرالانو په افغانستان کې کړې وه ….

 

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x