افغانستان

غزني کې ترافیکي پېښي ۲۸ تنو ته مرګ ژوبله اړولي

نن ټکی اسیا (پنجشنبه، مرغومی ۱۰مه، ۱۳۹۴ ل): د غزني ولایت په اب بند ولسوالۍ کې د کابل – کندهار پر لویه لار د مسافرو د ۳۰۳ موټر او ټېلر ترمنځ په ټکر کې ۳ تنه وژل شوي ۲۵ تنه نور ټپيان دي.

پېښه نن سهار شاوخوا ۶ بجې رامنځته شوي.

د غزني ولایت د ترافیکو مدیر محمدالله احمدي رسنیو ته وویل چې د اب بنده ولسوالۍ په تودې سیمه کې د مسافرو ۳۰۳ موټر او یو ټېلر یو له بل سره ټکر شوي چې له امله یې دواړو موټرو اور اخیستی دی.

په پېښه کې ۳ تنه وژل شوي او ۲۵ تنه ټپيان دي چې په هغوی کې دوې ښځي او درې ماشومان دي.

د غزني د ملکي روغتون مشر ډاکتر بازمحمد همت وایې چې دوی ته د پېښي دځای څخه مړي او ټپیان ور وړل شوي چې په ټپيانو کې د ځینو روغتیایې حالت د اندېښنې وړ دی.

ویل کیږي چې په ټېلر موټر کې روغنیات بار وو چې له همدې امله دواړو موټرو اور اخیستی دی.

تېره ورځ هم د غزني ولایت په روضې کوتل کې د ټېلر او ۳۰۴ مسافر وړونکي موټر تر منځ ټکر کې ۳ تنه ووژل شول او ۲۳ تنه نور ټپيان شول.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x