کابل هوايي ډګر ته څېرمه چاودنه شوې

نن ټکی اسیا (دوشنبه، مرغومي ۱۴مه، ۱۳۹۴ل): شېبه مخکې د کابل حامد کرزي نړيوال هواي ډګر يوې امنيتي پوستې ته څېرمه چاودنه وشوه.

تر اوسه د چاودني نوعیت سم نه دی په ډاګه، خو د کابل د پوليسو وياند رسنیو ته چاودنه سرتېری بريد وګاڼه، مگر د پېښې شوې مرگ ژوبلې په اړه يې څه ونه ويل.

تېره اوونۍ هم د کابل حامد کرزي نړيوال هوايي ډگر ته څېرمه سرتيري بريد مرگ ژوبله اړولې وه.

د پېښې مسووليت تر اوسه چا نه دی منلی.