افغانستان

ننګرهار: د هند قونسلګرۍ ته څېرمه چاودنه وشوه

نن ټکی اسیا (سه شنبه، مرغومي ۱۵مه، ۱۳۹۴ل): په جلال اباد ښار کې د هند قونسلګرۍ ته څېرمه د چاودنې خبر ورکړل شو.

د ننګرهار ولایت د والي وياند عطاءالله خوږياڼي وايي چې چاودنه نن سهار شاوخوا یوولس بجې وشوه، خو تر اوسه يې هدف معلوم نه ده.

د هغه په خبره له هند قونسلګرۍ سره څېرمه د پاکستان قونسلګري هم موجوده ده، ځکه خو د چاودنې د دقیق هدف په اړه څه نه شي ویلی.

نوموړي د چاودنې د تلفاتو په اړه جزييات ورنه کړل.

دا په داسې حال کې دی، چې تېره ورځ د هېواد په شمالي ولایت بلخ کې د هند قونسلګرۍ نږدې اتلس ساعته تر بريدونو لاندې وه.

د بلخ ځايي امنیتي چارواکي وايي چې په دې جګړه کې ۲ عسکر وژل شوي او د دريو ولسي وګړو په ګډون نهه پولیس ټپیان شوي دي.

د بريد مسوولیت تر اوسه چا په غاړه نه دی اخیستی.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x