نړۍ

ترکیه د رسمي کار پر مهال د جمعې لمانځه ته وخت ورکوي

نن ټکی اسیا (چهارشنبه، مرغومي ۱۶مه، ۱۳۹۴ل): ترکي چارواکي وايي چې ډیر ژر به داسې قانون تصویب کړي چې له مخې به یې دولتي مامورین د رسمي کار پر مهال د جمعې لمانځه لپاره وخت پیدا کړي.

د ترکیې لومړي وزیر احمد داود اوغلو وايي چې د نوي قانون پر اساس به د رسمي دندې په مینځ کې د تفریح وخت د جمعې لمانځه له وخت سره همغږی شي.

د نوموړي په وینا، د دغه قانون په مټ به د جمعې لمونځ کوونکي دا فرصت ومومي چې د رسمي کار پر مهال په ډاډه زړه مسجد ته لاړ شي او لمونځ ادا کړي.

له دې وړاندې که دولتي مامور د رسمي کار په مینځ کې د جمعې لمونځ ادا کاوه، د غیاب په ساعتونو کې به شمېرل کیده. په ترکیه کې د جمعې ورځ د رسمي کار له پوره ورځو څخه ده او هغه مامورین چې په دې ورځ دنده ترسره کوي د جمعې لمانځه لپاره وخت نه لري.

د ترکیې لومړي وزیر احمد داود اوغلو وايي چې دغه قانون به په روانه اونۍ کې پلی شي.

په ترکیه کې د عدالت او پراختیا ګوند واک ته له رسېدو وروسته په تدریجي ډول په ګڼو هغو قوانینو کې تعدیلات رامینځته شوي چې له دیني شعائرو سره په ټکر کې وو.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x