شعـــــرونه

دچاپخاطر! ـ خالق يار احمدزی

شاعر: خالق يار احمد زی

داخلک مینه چې کوی بس دیوچا پخاطر

زړونه په زړه چې ورکوی خاص دآشنا پخاطر

د وصل حب دې ضمیرونه چې را وسوځل

جانانه چم ته به درځمه نن د ستا پخاطر

هغه محراب ، هغه مسجد به په بڼو جارو کړم

د یو سپیڅلی نازولی مقتدا پخاطر

ما د سفر په ډیرو سختو لارو یون راکړی

مدینې ! تاته چې راتلم د مصطفا پخاطر

راغلم د ستورو له مداره فلکیاتو باندې

یوه عنقا وم چې پیدا شومه د چا پخاطر

نن ښکلاګانې ګلابو کې بې اغزیو نغښتې

د زړونو حسنه د ارواحو د سبا په خاطر

خالقیاره! ګودرونه او د کلی مازدیګر کې

نن غزلیزه ښکلاګۍ ده دآشنا پخاطر

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x