د کلي د خلکو آواز: ای د دين عالمه چيرې ياست؟

لیکوال: قاري حکيم اللّه صابري-

د کليو د خلکو آواز : ای د دين عالمه ای د دين داعي ، زمونږ کلي ته راشه؟

آيا د دنيا ژوند دوکه او مشغول کړې ؟

مونږ دې چاته وسپارلو ؟

مونږ تاته احتياج يو؟

مونږ له تا څخه ډير څه زده کړې وو اوس به څوک مونږ ته علم رارسوي ؟

رسول الله صلی الله عليه وسلم خو فرمايلي [ بلغوا عني ولو آية] (له ما څخه ورسوئ ولو که يو آيت وي)

ولی مونږ ته نه ښيې هغه څه کوم چې تاته الله تعالی ښودلي دي ؟

آيا تا ته د کليو او لرې پرتو سيمو سفر او تګ سخت دی ؟

څه شوه ستا قرباني او څه شو ستا هيمت ؟

نصارا دا کار کولای شي او تر دې ځايه راورسيدل، ته يې ولې نشي کولای ؟

قسم په الله دی چې د مونږ څخه مړه کيږي خو د لمانځه په طريقه نه پوهيږي

او په مونږ کې داسې کسان دي چې د طهارت په عادي مسائلو نه پوهيږي

او مونږ د دين دعوت او نصيحت نه دی آورېدلې چې زمونږ ايمان ور باندې تقويه او خپل رب مو ور باندې ياد کړو، پس چيرې ياست تاسې ؟

کله چې يو له تاسې مؤظف شي زمونږ په کلې کې بيا وايي چيرې ده (وسيله) زه يم ډير لرې ، معاش مې کم زه ځم لوی کلي ته بيا ووځي له دې کلي .

افسوس ستاسې په حال !!!

آيا صحابه کرامو همداسې کول ؟

که هغوی له خپلو کليو او ښارونو نه وای وتلي چا به دغه دين رسولای وای ؟

ای افسوس ستاسې په حال !!!

د منسوخ (مسيحيت) مبلغان تر ځنګلونو او بيابانو پورې ورسيدل ته به څه وخت د دين نصرت کوئ ؟ څه وخت به خلکو ته دين رسوې ؟.

ای افسوس ستاسې په حال !!!

او تاسې د آرام او راحت په ژوند کې ډوب ياست ، د علم دعوی کوئ لکن علم نشته

د دين سره د محبت دعوی کوئ لکن محبت نشته، خبرې مو ډيري خو عمل مو ډير کم دی!

ای افسوس ستاسې په حال !!!

دا چې لرې کليو او سيمو د پاره مو څه ونه کړل ، آيا په نږدې کې مو څه کړي ؟

ښځه مو په څنګ کې!

بچيانو مو چاپيره!

لکن ورځې تيريږي!

اونۍ تيږېږي!

ګرانه د څو ريالونو د وصول د پاره څومره کوښښ کوې مګر د دين د نصرت د پاره نه توانيږي، د سياحت د پاره لرې لرې سفرونه کوې ، خو د دين د دعوت د پاره نږدې ځای ته هم سفر نشی کولای.

ای افسوس ستا په حال !!!

ای د دين عالمه ای طالب العلمه

ولی د دين نصرت نه کوئ

حال دا چې الله سبحانه وتعالی وايي (كونوا أنصار الله)

د جناب رسول الله صلی الله عليه وسلم طائف ته سفر په پښو ؤ زمونږ سفر د موټر او طيارې په وسيله دی مونږ د کلي خلک له ښار څخه لرې يو، که ته زمونږ کلي ته راشې ستا استقبال به په سترګو وکړو

ستا اکرام او عزت به وکړو ، لکن څه وخت به ته زمونږ کلي ته راشي ! مونږ خو ستا په انتظار يو ؟؟؟

ګوره چې وروسته نشي! ګوره چې وروسته نشي! ګوره چې وروسته نشي!

لا تتأخر لا تتأخر لا تتأخر لا تتأخر !!!

د نن ټکی اسیا یوټیوب چېنل
avatar
  ګډون وکړئ  
خبرتیا غوښتل د