کابل: غلو يو صراف له لوټ وروسته خوشي کړی دی

نن ټکی اسیا (دوشنبه، مرغومي ۲۱مه، ۱۳۹۴ل): کابل ښار کې څو تنو غلو یو صراف تښتولی او له لوټ وروسته يې خوشي کړی دی.

دغه پېښه د یوولسمې امنیتي حوزې په مربوطاتو کې شوې ده، چې له صراف نه يې نقدې پیسې او د موبایل کريډيټ کارتونه اخيستي دي.

د پېښې په اړه د اوولسمې امنیتي حوزې امر غلام الله نورستانی وايي چې غلو له صراف نه ۱۲۰ زره افغانۍ، ۵۰ زره کلدارې او د ۳۰ زره افغانيو پر ارزښت کریډيټ کارتونه وړي دي.

د نورستاني په وينا غلو تښتولی صراف په سلیمان خېل دښته کې خوشي کړی دی.

دا په داسې حال کې دی چې څه موده وړاندې د کابل امنیه قومندان د جنايی جرمونو په تور د ۴۰۰ تنو د نیولو خبر ورکړ.

د کابل ښاريان وايی چې په ښار کې د تښتوونې، چور او لوټ پېښې ډېرې شوې دي.

د دوی په خبره له مازیګر وروسته د ښار په له ګڼه ګوڼه خالي کوڅو کې د خوندیتوب احساس نه کوي.