افغانستان

غزني: اربکی قومندان له دوه ملګرو سره وژل شوی دی

نن ټکی اسیا (چهارشنبه، مرغومي ۲۳مه، ۱۳۹۴ ل): په غزني ولايت کې د اربکيو يو قومندان له دوه تنه نورو ملګرو سره وژل شوی دی.
دغه قومندان او ورسره ملګري يې وروسته له هغې ووژل شول چې د قره باغ په ولسوالۍ کې يې موټر په يوه ماين وربرابر شو.
د غزني د امنيې قومندانۍ د امنيت امر اسد الله شجاعي وويل چې نن غرمه د اربکيو قومندان محمد اسماعيل له خپلو ملګرو سره د مقر ولسوالۍ د شير کلا به سيمه کې په ګزمه بوخت و چې موټر يې د ماين ښکار شو.
شجاعي وويل چې ماين د طالبانو له لوري ځای پر ځای شوی و چې د قومندان او ملګرو پرته په کې نور ولسي وګړي نه دي وژل شوي.

د يادونې وړ ده چې د قومندان محمد اسماعيل په نامه د اربکيو دغه قومندان له څه مودې راهيسې د مقر ولسوالۍ په شير کلا سيمه کې دنده لرله چې تر دې وړاندې يو شمير سيمه ييزو خلکو له هغه څخه شکايت کاوه چې کسان يې له ولسي خلکو څخه په زوره مالونه لوټي او ځوروي يې.

تر اوسه طالبانو ددغې چاودنې په اړه څه نه دي ويلي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x