بایبل پیژنده (۱۱)

لیکنه او څېړنه: عبد الغفار جُبیر

د پروټسټنټ د فرقې د نورو علماء اعتراف

وارډکيتولیک پخپل کتاب کي چي مطبوعه ۱۸۴۱ میلادی کال دی د پروټسټنټ د ډلې د معتبرو علماء قولونه رانقل کړیدي چي په دې کي موږ یو څو قولونه بیانوو:

۱- زدنکليس او نور وایی چي د پولس ټول لیکونه مقدس نه دي  دا ځکه  چي په څو پیښو کي غلط دي.

۲- مسټرفلک وایی چي پطرس د انجیل سره بلدیت نلري، او هغه څه چي ئې لیکلی دي هغه غلط دي.

۳- ډاکټر کوډ په دې آند دی چي کله چي و پطرس ته روح القدس نازل شو وروسته ئې غلطې وکړل.

۴- برنشس وایی: ریس الحواریین پطرس او برناباس د روح القدس د نزول څخه وروسته غلط بیاني کړی ده.

۵- ميکډی برجنس وایی چي پولس غلط بیانونه ورکړی دي.

د نړيوالو عيسايی علماء اعتراف

د اکهارن صاحب اعتراف

اکهارن صاحب چي یو عیسایی فاضل او عالم دی او ډیر کتابونه ئې په دې هکله لیکلی دي پخپل یوه کتاب کي په ۵۳ مخ کي وایی:

د انجیل متی لومړی دوه بابونه دده لیکنه نه ده.

په ۶۳ مخ کي بیاوایی:

د یهودي اسخریوطی کيسه چي په انجیل متی باب ۲۷ کي بیان شوې ده د۳- ۱۰ ایاته پوری بلکل درواغ دي. او همدارنګه په دغه باب کي ۵۲ او۵۳ ایاتونه الحاقي دي.

په ۷۰ مخ کي لیکي:

انجیل مرقوس باب ۱۶ ، ۱۲ ایاتونه ټول درواغ دي.

په ۸۹ مخ کي لیکي:

انجیل لوقا کي باب ۲۲ کي ۴۳ او۴۴ ایاتونه الحاقي دي.

بیاوایی:

اصل انجیل ورک دی،په اوسني انجیلونو کي هم درست بیانونه شته او هم درواغ،په دې انجیلونو کي تحریف هم شویدی،بت پرستو علماء هم کارپکښې کړیدی، عیسایانو خپل انجیلونه درې یا څلور ځلی بدل کړیدي،تر دې اندازې پوری چي مضامین ئې هم بدل شویدي.

د ډاکتر ګراهام سګروګی  (Dr. Graham Scoggie) اعتراف:

ګراهام سګروګی پخپل کتاب  په ۱۷  مخ کي لیکي:

مقدس بایبل انسان جوړ کړی دی،او ځینی خلک زما دا خبره ردوی زه نه پوهیږم چي ولی؟ په اصل کي دا کتاب د انسان له مغزو څخه راوتلی  دی، انسان لیکلی دی او د انسان په ژبه سره لیکل شوی دی او هر څه ئې انساني دي.

کنيت ګرېګ (Kenneth Cragg) چي یو عیسایی عالم دی وایی:

نوې عهدنامه چي د بایبل یوه برخه ده دا د خدای کلام نه دی،په دې کي د خلکو هغه کيسې او پیښې شتون لری چي په سترګو ئې لیدلی وي او یا اورېدل شوي دي دا د کلیسا اوازه ده چي دا د خدای کتاب دی.

پروفيسر ګيسر(Prof. Geiser) داسی اعتراف کوي:

سپېڅلی بایبل د خدای کتاب نه دی،ددې باوجود هغه یو مقدس کتاب دی.

د پروفيسر جان سکاټ اعتراف:

اوسنی بایبل په دې د خدای کتاب نه دی چي حضرت عیسی علیه السلام په آرامي ژبه سره خبرې کولې او اوسنۍ نسخې په یوناني ژبه سره دي، لکه د بایبل تر ټولو زړه نسخه سینایی نسخه؛ د بایبل تر ټولو پخوانۍ نسخه د حضرت عیسی علیه السلام څخه (۶۰۰) کاله وروسته لیکل شوېده،که بایبل په غور سره مطالعه شی نو داسی جوتیږی چي بایبل په تدریجي ډول سره تکامل موندلی دی، بله د یادونې وړ خبره داده چي موږ اصلي د حضرت عیسی علیه السلام لیکنه او یا وینا نه لرو هغه څه چي وده ته منسوب دي هغه ټول په یوناني ژبه سره دي او حال داچي حضرت عیسی علیه السلام په ارامي ژبه سره خبرې کولې.

د ډاکتر جوزف پارکر(Dr. Joseph Parker) اعتراف:

ده پخپل کتاب کي   لیکلی دي چي بایبل ټوله د نوم ورکو او مبهمو نومونو څخه ډک دی، په بایبل کي د نسب پاڼو(شجرو) څخه ماسيوا بل شی نشته،نه د اخرت په هکله شی پکښې تر سترګو کيږی او نه هم د مذهب په هکله،که موږ د حضرت عیسی علیه السلام شجره و څېړو نو د تعجب خبره داده چي روح القدس د څلورو انجیلونو د لیکوالانو څخه ولی و دوو لیکوالانو ته دا شجره وروښودل؟ او حال دا چي په دې دواړو کي هم ژور اختلاف شته،متی د عیسی څخه تر داؤد پوری (۲۶) پښته راوړی دي او لوقا د عیسی څخه تر داؤد پوری (۴۱) پښته راوړی دي نو موږ په ساده تورو داسی ویلای شوچي دا د خدای کلام نه دی؛ او دا د متی او لوقا خپلی لیکنی دي او روح القدس هیڅ هم نه دي ورته ویلی.

د فاضل عالم ريو- پيکر(Rev. Packer) اعتراف:

فاضل عالم ریو- پیکر(Rev. Packer)  تر دې سرلیک لاندی چي ایا په بایبل کي غلطیانې شته؟ دی وایی: غلطیاني په بایبل کي شته،په ځانګړی ډول سره په پخوانیو نسخو کي،کلمې بدلی شوی دي، حتی مکملي لیکې او جملې له منځه تللی دي، ځینی جملې بیا بیا تکرار شوی دي،چي د غلطیانو شتون نشو ردولای او په ځینو نسخو کي داسی شوی دي چي په غلطیا سره نوي عبارتونه ورسره یو ځای شوی دي. دا منو چي دا د انسانانو په لاسونو سره نوشته شوی دي او د هر بدلون امکان پکښې دی.

د ښاغلی ګراهام سکورګي  ( Dr. W Graham Scroggie) اعتراف:

ښاغلی ډبلیو ګراهام سکورګي چي د امریکا د شیکاګو ایالت د موډی بایبل انسټیټیوټ یو وتلې نړیواله څهره او مبشر دی وایی:

بلې دا منو! چي دا د انسان په لاس لیکل شوی دی،د انسانانو له ماغزو څخه راوتلی دی،د انسانانو په ژبه سره لیکل شوی دی

د بيت المقدس د انګليکن کليسا د لوی راهب کينيت کريګ  اعتراف:

نوې عهدنامه او ټوله بایبل د کلیسا له ماغزو څخه راوتلی دی،لیکوالان ئې هم مبهم دي،دا منو چي بایبل د تجربو او تاریخي پیښو نمایندګې کوي. په پیل کي بایبل د خلکو پر ژبه باندی یاداوه دا منو چي بایبل د حضرت عیسی علیه السلام په ژوند کي نه دی لیکل شوی او د لیکلو پر مهال مقدس پولس داسی شیان پکښې ورګډ کړل چي د اصلي محور سره په تضاد کي دي.

د ډاکتر لوبيګاټ اعتراف:

د نوې عهد نامې ځینی عبارتونه د زغملو نه دي،درد ناکه دي،او په اصل کي د حواریینو د ویناوو سره په ټکر کي دي. او دا منو چي په اوسني بایبلو کي داسی څه شته چي د پخوانیو نسخو سره پوره توپیر لري، نو ځکه د بایبل اصلیت هم تر پوښتنو لاندی راځي.

د امريکا دسي اين اين(CNN) تلويزون اعتراف:

په سي این این تلویزونی چاینل کي  په  ۲۰۰۸ او ۲۰۰۹ کي پر دې باندی بحث کيدی چي ایا بایبل څومری درست دی؟ او و هغو پوښتنو ته د عیسایی نړۍ ځواب څه دی چي د بایبل په هکله کيږی؟

دا بحث چي څو ورځي روان ؤ پایله ئې دا را ووتل چي بایبل شکمن دی دا ځکه چي پروتستان ۱۴ کتابونه پخپل بایبل کي نلری ولی؟ ولی عیسایی نړۍ د بایبل و ځینو کتابونو ته اپوکریفه (شکمن) کتابونه وایی ایا دا الهي کتابونه نه دي؟ د بحث په جریان کي پر دې  هم بحث وشو چي اوسني بایبلونه له اصلي نسخو سره پوره واټن او توپیر لري.

دسي ايس لويس (C.S Lewis) او نورو اعتراف:

په ټوله بایبل کي شرمونکې برخه، تردې سرلیک لاندی یوه لیکنه خپره شوې وه ، په دې برخه کي ډیرو عیسایی علماء کار کړی دی او په دې شرمونکې برخه کي (دمتی انجیل ۲۴ باب)  او د بایبل نور کتابونه دي خو موږ دلته یواځی او یواځی و متی انجیل و۲۴ باب ته راځو واقعا داسی څه پکښې دي چي شرمونکي دي او دا عیسایی عالم رښتنی دی په دې برخه کي و حضرت عیسی علیه السلام ته منسوبی یو څه وړاندوینې دي هغه وړاندوینې رښتنې نه شوې نو ځکه اوس عیسایی علماء فکر کوي چي کيدای شی دا به د حضرت عیسی علیه السلام وړاندوینې نه وي او متی به خطا وتلی وي او اوس په شرمیږی.

ولی په مطابق؟؟!

یوه ډېره روښانه او هېښونکې خبره داده چي د هرانجیل په سرلیک کي داسی لیکلی دي:

د متی په مطابق انجیل

د لوقا په مطابق انجیل

د مرقوس په مطابق انجیل

د یوحنا په مطابق انجیل

چي په انګلیسې بایبلوکي داسی لیکلی دی:

The Gospel According to Saint Luke

The Gospel According to Saint John

The Gospel According to Saint Mark

The Gospel According to Saint Mathew

دلته ولی (په مطابق) ورسره دی؟؟؟، هر څوک چي یو کتاب ولیکي، خپل لاسلیک او یائې هم مهر پر لګوې ، او دا یقینی وی چي دا دده کتاب دی نو هغه ته نوشته وی دا د فلاني کتاب دی، لکه څرنګه چي پر دې انجیلونو باندی نه د متی لاسلیک او مهر ،نه د لوقا لاسلیک  او مهر، نه د یوحنا لاسلیک او مهراو نه هم د مرقوس لاسلیک او مهرشته له دې څخه علاوه نه په دې هکله پاخه شواهد شته او نه هم بل ثبوت نو ځکه (په مطابق) توری ئې ورسره لیکلی دی، که دا انجیلونه متی ، لوقا، یوحنا او مرقوس لیکلی وای نو دوی به ضرور ورته لیکلی وای چي:

د متی انجیل، د یوحنا انجیل، د لوقا انجیل او د مراقس انجیل۔

له دې څخه په ښکاره ډول سره جوتیږی چي دا کتابونه نوم ورکو خلکو لیکلی دی او بیایی ودوی ته منسوب کړی دي تر څو دا په خلکو کي عام کړی او په خلکو کي ئې سپیڅلي وساتي او خلک ودې ته مجبوره کړی چي په دې باندی عمل وکړی، و بل لور ته که چیری هر انجیل وکتل شی نو داسی معلومیږی چي دا یو انجیل د یوه لیکوال لیکنه هم نه ده، د لیکلو د سبک او لیکدود څخه دا ښکاری چي دا مختلفو لیکوالانو لیکلی دي په مختلفو وختونو کي نو موږداسی ویلای شوچي دا الهی کتابونه نه دي.

د آرايس وي (Revise Standard Version) بايبل اعتراف:

هغه بایبلونه چي د بایبل د ټولنو له لوری چاپ شوی دی یوه ډله د بلې ډلی و بایبل ته بد او رد وایی، چي زه دلته یواځی او یواځی د یوه بایبل بیلګه راوړم:

آرایس وي (RSV) بایبل چي خپله عیسایانو چاپ کړی دی  او ددوی له لوری خپور شوي دي ، پر هغه باندی یوه سریزه لیکل شوې ده،او په هغه سریزه کي  ئې دا دلایل ویلی دي چي ولی دا بایبل اصلاح شوی دی، پر دې بایبل باندی لیکل شوي دي چي کله په لومړي سر کي کينګ جیمزورژن (KJV) بایبل په ۱۶۱۱ کي ترتیب شو نو بیا په۱۸۸۱ کي اصلاح شو،له هغه وروسته بیاپه ۱۹۰۱ کي اصلاح شو او اخري ځل په۱۹۵۲ کي اصلاح شو دا ولی؟

تر اوسه د کينګ جیمز ورژن بایبل ډیر غټ  عیبونه او نیمګرتیاوي لري، او دا نیمګرتیاوي ډیري دي او ډیري مهمي او د فکر وړ دي نو ځکه موږ بیا اصلاح کړی.

یادونه: ددوی دا اصلاح به تر قیامته پوری دوام ولری او هیڅ بایبل به اصلاح نشی، له دغه بایبل څخه وروسته بیا ډیر ځله همدا بایبل اصلاح شوی او دا لړۍ لا روانه ده.

دتثليث ريښه اوحقيقت

عیسایي نړۍ د تثلیث الهام  د یونان د فلاسفه وو او د نورو مشرکانو څخه اخیستی دی، چي پردې باندی پخپله عیسایی کتابونه ګواه دي،لکه دبایبل دایرة المعارف، اودبریتانیکا دایرة المعارف او داسی نور.. د تثلیث او د حضرت عیسی علیه السلام د الوهیت نظریه د لومړي ځل لپاره پولس(ساو، شاول) وړاندي کړه او بیا وروسته دعیسائیت یوه عقیده وګرځېده.

لومړی سړی چي په نصرانیت کي ئې د تثلیث عقیده دود کړه،پولس (پاول، ساول،شاول) ؤ ده د عیسی علیه السلام د الوهیت او د روح القدس د الوهیت اعلان  وکړ، د تثلیث عقیده په۳۲۵ میلادي کال د نیقیه په غونډه کي تائید شوه، د یونان د فيلسوف افلاطون نظریاتو د نصرانیت په دین باندی ښکاره اغیزه درلوده،ده ویلئ دي چي نړۍ په چلښت او تدبیر کي له دریو څیزونو څخه اغیزمنه کيږي:

۱: ازلي لومړی پیداکونکي.

۲:هغه عقل چي له هغه څخه راوتلی دی.

۳: هغه روح چي د ټولو ارواحو مصدر او سرچینه ده.

ده پخپله په دغې عقیدې باندی د تثلیث بنسټ ایښی دی، ځکه ازلي پیداکونکي خدای جل جلاله،عقل ئې زوی حضرت عیسی علیه السلام (ددوی په نزد)او روح ئې روح القدس حضرت جبرائیل علیه السلام دی؛ په عیسایانو کي داسی ډلې هم شته چي د خدای په توحید قایل دي او عیسی علیه السلام د الله جل جلاله بنده او پیغمبر ګڼي د (برناباس) یا برنابا انجیل چي د عیسویانو په نزد له پنځو منل شوو انجیلونو (متی، لوقا، یوحنا، مراقس) څخه یو دي خدای یو او د اسمانو او ځمکو خالق ئې ګڼي.

په هندو مذهب کي هم د تثلیث اصطلاح شته،ددې دین پیروان باور لري چي خدای درې نومونه لري(وشنو) ساتونکي،(سیفا) یعنی وژونکي او(براهما) یعنی پیداکونکی.

د تثلیث عقیده د حضرت عیسی علیه السلام څخه ۱۰۰۰ کاله مخکي موجوده وه، قسطنطین (Constantine)په ۳۲۵ میلادي کال کي چي د روم امپراطور ؤ د نیقیه غونډه (Council of Nicaea) جوړه کړه،په دغه غونډه کي د حضرت عیسی علیه السلام الوهیت او تثلیث تائید او له خلکو څخه ئې رایه واخیستل په هم دغه ورځ باندی دا د عیسائیت یوه عقیده او برخه و ګرځیدله.

و بل لور ته په اوسني تحریف شوي بایبل کي که موږ وګورو نو دا به راته معلومه شي چي تثلیث په هر بایبل کي نشته دا ځکه چي دا په اصل کي د اصلی انجیل برخه نه ده، او دا د پولس او نورو عقیده وه چي په عیسائیت کي ئې ورګډه کړه لکه:

For there are three that bear record in heaven, the Father, the Word, and the Holly Ghost: and these three are one. (1 john,5 : 7)

ژباړه:

درې دي چي ګواهې ورکوي په اسمان کي پلار ،ځوی او روح القدس او دا درې سره یو دي. (لومړی لیک دیوحنا ۵: ۷- ۹)

داپه (King James Version)  بایبل کي او په اردو بایبل  (کلام مقدس، کاتولیک بایبل کمیشن پاکستان ۲۰۱۱)  کي   شته  او په (Holly Bile Revised Standard 1952)  Version کي بیا دا د تثلیث ایات نشته، او که و عربي اردو او پښتو بایبلو ته راشو نو په هغوکي هم دا تثلیث نشته په عربی بایبل، پښتو بایبل او اردو بایبلو  کي همدا د یوحنا ایات ۷ نشته او و اتم ایات ته ئې د۷ شماره ورکړیده یعنی تثلیث نشته. لاندی بایبلونه وګورئ:

الکتاب المقدس، جمعیة الکتاب المقدس فی لبنان- ۱۹۹۳ الطبعة الثلاثون

انجیل شریف، اول جیبی چاپ ۱۹۹۶میلادی، بایبل سوسایټی پاکستان

کتاب مقدس، پاکستان بایبل سوسایټی انارکلی لاهور ۲۰۱۱

انجیل مقدس، پاکستان بایبل سوسایټی انارکلی لاهور- ۵۴۰۰۰، ۲۰۰۹

پخپله قسطنطین  په سول انویکټس (Sol Invictus)باندی عقیده درلوده دا د لمر خدای ؤ یا په لنډو کي ده په مترایزم (Mithraism) باندی باور ؤ ده د یهودو مقدسه ورځ شنبه ئې ویکشنبې ته واړول چي دا د لمر د خدای د پیدایښت مقدسه ورځ وه،په انګلیسي ژبه کي ویکشنبې ته سن ډې  (Sun Day) وایی سن  (Sun) و لمرته وایی او ډې (Day) وورځې ته وایی یعنی د لمر ورځ ؛ خو په اصل کي دا ورځې ته د لمر ورځ په دې وایی چي د لمر خدای په همدغه ورځ باندی پیداشوی دی ، د مشرکانو په آند،همداسی د حضرت عیسی علیه السلام په هکله چي کومه عقیده دوی لري همداسی بې شمېره د لمر خدایان  تیرشويدي چي د حضرت عیسی علیه السلام هره نیټه، دده درواغجن صلیب، دده بیا راژوندی کيدل ددوی په آند، و خلکو ته خلاصون ورکول ددوی په آند او داسی نور… دا هرڅه د حضرت عیسی علیه السلام څخه ۱۰۰۰ کاله مخکي شتون درلودی ، تاسی ګران لوستونکي کولای شی چي دا هرڅه زما په راتلونکي کتاب ((دعیسائیت حقیقت)) کي ولولئ په پوره تفصیل سره ان شاء الله.

طرطولیان لومړی هغه کس ؤ چي د تثلیث او جوهر د حضرت عیسی علیه السلام او د خدای وینا یی وکړل،

له دې څخه مطلب دادی چي ده هم د ساول/شاول څخه الهام اخیستی ؤ او په عیسایی لویو غونډو کي ئې وویل چي تثلیث د عیسائیت یوه بنسټیزه او نه بېلېدونکې عقیده ده،هر هغه څوک چي به د تثلیث څخه منکر او یا به ورته شک پیداشو هغه کس یا ډله به ئې په بدعتیانو کي حساب کړل او مرګ به ئې ورته روا کړ.

و بل لور ته په ټوله بایبل کي هر ورژن چي وي نه حضرت عیسی علیه السلام و چاته ویلی دي چي زه خدای یم او نه یې وچاته ویلي دي چي زما عبادت وکړی او نه هم یو حواری شاهد شته چي په دغه ورځ په دغه وخت کي حضرت عیسی علیه السلام وویل چي زه خدای یم او زما عبادت وکړی برعکس ده به ویل:

زه پخپله هیڅ نشم کولای زه فیصله کوم څنګه چي ماته ویلی شوي دي او زما فیصله هم د انصاف ده ځکه چي زما مقصد زما د مرضې نه دی بلکې د هغه مرضی ده چي زه ئې رالېږلی یم۔ (یوحنا ۵باب ۳۰)

بل ځای حضرت عیسی علیه السلام وایی چي (زما خدای تر ما لوی دی)، او هغه تر ټولو لوی  دی.

عیسی وویل: آیا ما تاسو ته دانه وه ویلی چي که تاسو ایمان لری نو د خدای جلال به ووینی،نو هغوی ډبره لیری کړه بیا عیسی پورته وکتل او وئې ویل ای ربه! زه ستا شکر اداء ‌‌کوم چي زما خبره دی واورېدل ما ته دا جوته وه چي ته تل زما خبره اورې، خو ما ددې حاضرو خلکو د پاره سوال وکي چي ددوی دا باور راشی چي زه تا را استولی یم.
(یوحنا ۱۱ باب ۴۱- ۴۳)

نوعیسی په چیغو وویل: که یو څوک پر ما ایمان راوړی نو هغه نه یواځی دا چي پر مائې ایمان راوړ بلکې پر هغه چائې هم ایمان راوړ چي زه ئې رالېږلی یم. (یوحنا ۱۲ باب ۴۴)

چي دی په واضح ډول سره وایی چي زه هیڅ شی نه یم او هر څه د خدای جل جلاله په امر سره تر سره کوم، که چيری دی خدای وای نو ده  به بیا د بل چا و اجازې او واک  ته اړتیا نه درلودای .

نوربیا…

avatar
  ګډون وکړئ  
خبرتیا غوښتل د