نړۍ

کراچۍ کې د افغانستان ملي امنيت څلور غړي نيول شوي

نن ټکی اسیا (شنبه، مرغومي ۲۶مه، ۱۳۹۴ ل): پاکستاني رسنۍ د سند ايالت امنيتي چارواکو له قوله وايي، چې کراچۍ ښار کې يې د افغانستان د ملي امنيت څلور غړي نيولي دي.

د پاکستاني رسنيو په وينا امنيتي ځواکونو د کراچۍ په بېلابېلو سيمو کې د شکمنو کسانو پر ضد د چاڼيزو عملياتو په ترڅ کې د افغان ملي امنيت څلور غړي نيولي او دمګړۍ د پوښتنو ګروېږنو لاندې دي.

د سند پوليسو وياند وايي، چې نيول شوي کسان د غزني اوسېدونکي دي او له تېرې اوږدې مودې د کراچۍ کلفټن، ګلستان، جوهر او پهلوان کوټ کې يې وخت تېر کړی.

د نيول شوو کسانو نومونه امان الله، عزيز، حکمت او عبدالغفار ښودل شوي دي او داسې ويل کيږي، چې د نيول شوو کسانو اړيکې د هند استخباراتو «را» سره هم ثابتې شوي دي.

پاکستان وايي، چې د نيول شوو کسانو په اړه به د افغانستان بهرنيو چارو وزارت سره خپلې اندېښنې شريکې کړي.

افغان حکومت تر اوسه په دې اړه څه نه دي ويلي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x