افغانستان

د جلال اباد چاودنې د وژل شوو کسانو شمېر ديارلس تنه شو

نن ټکی اسیا (یکشنبه، مرغومي ۲۷مه، ۱۳۹۴ل): د جلال اباد ښار درېيمې ناحيه کې د ولايتي شورا غړي عبيد شنيواري پر مېلسمتون چاودنه کې د هغه پلار ملک عثمان، ورور او يوولس تنه نور وژل شوي او يوولس نور ټپيان دي.

د ننګرهار ولايت وياند عطاءالله خوږياڼي رسنيو ته وويل، چې نن له غرمې مخکې لس بجې او شل دقيقې د عبيد شينواري پر مېلمستون درنه چاودنه وشوه.

د خوږياڼي په وينا د ملک عثمان زوی او د عبيد شينواري ورور څه موده وړاندې د ناڅرګندو وسله والو له لوري تښتول شوی و او نن د هغه ښه راغلاست مېلمستيا وه، چې ناببره په مېلمستون کې درنه چاودنه وشوه.

د سيمې خلکو نن ټکی اسيا ته ويلي، چې چاودنه کې ملک عثمان، ملک کمين او د هغه راخوشې شوی زوی وژل شوي او عبيد شينواری ټپي دی.

د ننګرهار عامه روغتيا رياست وايي، چې ديارلس ټپيان يې وروړي وو، دوه مړه شول او اوس يوولس ټپيان تر درملنې لاندې، چې د ځينو روغتيايي حالت د اندېښنې وړ بلل شوی دی.

د چاودنې مسووليت تر اوسه چا نه دی منلی.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x