افغانستان

د ۲۰۵ اتل قول اردو قومندان جنرال وفادار له دندي ګوښه شو

نن ټکی اسیا (چهارشنبه، سلواغې ۷مه، ۱۳۹۴ ل): وروسته له هغه چې پر کندهار هوایې ډګر د طالبانو له لوري پلان شوی ډله ییز برید ترسره شو او په مهارولو کې یې د ۲۰۵ اتل قول اردو قومندان جنرال وفادار پاتي راغلی نو د نوموړي په اړه په دنده کې د غفلت شکونه راپورته شول.

د طالبانو په ډله ییز برید کې که څه هم د جنرال وفادار موټر، دفتر او ساتونکي په نښه شول خو د کابل څخه د مشرانو جرګې هغه پلاوي چې د کندهار د هوایې ډګر د برید څېړنه یې کول، جنرال وفادار په دنده کې په غفلت تورن کړ.

د برید تر څېړولو وروسته دا هم په ډاګه شوه چې جنرال وفادار د برید په مهارولو کې پاتي راغلی، نوموړي د برید په قابو کولو کې د امنیتي ځواکونو خاصه قطعه په عملیاتو کې د شرکت څخه منعه کړي وه او اجازه یې نه وه ورکړي تر څو بریدونه ژر تر ژره پای ته ورسوي.

د نوموړي د ګوښه کېدلو لامل تراوسه د حکومت له لوري نه دی په ډاګه شوی او نه هم د نوموړي پر ځای تر اوسه د ۲۰۵ اتل قول اردو لپاره نوی قومندان ټاکل شوی دی.

د یادوني وړ ده چې څه موده وړاندي د طالبانو سرتیرو بریدګرو د کندهار هوایې ډګر پر بازارګي، د جنرال وفادار پر دفتر او د بهرنیو ځواکونو پر یوه کنډک برید وکړ چې په پایله کې یې لسګونو کسانو ته مرګ ژوبله واوښتل او میلیونونه ډالر مالي زیانونه رامنځته شول.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x